"ბარსელონასა" და ურუგვაის ნაკრების თავდამსხმელი ლუის სუარესი, შესაძლოა, მორიგი დისკვალიფიკაციით დაისაჯოს. ამის მიზეზი ფეხბურთელის მიერ მსოფლიოს 2018 წლის ჩემპიონატის შესარჩევში, ჩილესთან სტუმრად გამართულ შეხვედრაში მეტოქე გუნდის გულშემატკივრებისთვის უხამსი ჟესტის ჩვენებაა.ჩილე-ურუგვაის მატჩში (3:1) ანგარიში სტუმრებმა ედინსონ კავანის გოლით, მე-17 წუთზე გახსნეს. საგოლე პასი კი სუარესმა შეასრულა. ამის შემდეგ მასპინძლებმა სამი გოლი გაიტანეს, თამაშის დასრულების შემდეგ კი ლუის სუარესმა, მოედნის დატოვებისას, ჩილელ გულშემატკივრებს შუათითი უჩვენა.
- მუნდიალი 2018. სამხრეთი ამერიკა. XII ტური: ლეოს შოუ და ბოიკოტი [VIDEO]
ახლა თავდამსხმელს ორმატჩიანი დისკვალიფიაცია
შეგახსენებთ, რომ ლუის სუარესმა მსოფლიოს 2014 წლის ჩემპიონატზე იტალიელი ჯორჯო კიელინისთვის კბენის გამო ხანგრძლივი დისკვალიფიკაცია მიიღო.
ურუგვაის ნაკრებს სამხრეთამერიკულ შესარჩევ ციკლში გამართული 12 ტურის შემდეგ 23 ქულა აქვს და 4 ქულით ჩამორჩება ლიდერ ბრაზილიას.
