ჯანი დე ბიაზიმ "ტვიტერის" საშუალებით ამცნო საზოგადოებას, რომ თითქმის 6-წლიანი მუშაობის შემდეგ თავაწეული ტოვებს ალბანეთის ნაკრებს. მის ხელში შკიპერიელებმა არნახულ წარმატებებს მიაღწიეს - ალბანეთის ეროვნული გუნდი იქცა ყველასთვის ანგარიშგასაწევ ძალად და 2016 წლის ზაფხულში თვით ევროპის ჩემპიონატის ფინალურ ეტაპზეც კი იასპარეზა. 2018 წლის მუნდიალის მიმდინარე შესარჩევ ციკლში კი ალბანელებს არ გაუმართლათ - ჯგუფში ესპანეთსა და იტალიასთან ერთად მოხვდნენ. მიუხედავად იმისა, რომ რამდენიმე დღის წინ, ჯერ კიდევ დე ბიაზის გუნდმა, სტუმრად 3:0 მოუგო ისრაელს და ჯგუფში მესამე ადგილზეა. 61 წლის იტალიელი
"მიმაჩნია, რომ ჩემი ციკლი დასრულდა. ალბანეთის ნაკრებს ახალი მწვრთნელი სჭირდება. უკან დარჩა ემოციური და ნაყოფიერი წლები. მე უზომოდ შეყვარებული ვარ ამ ხალხზე და ამ ქვეყანაზე, რომელიც კიდევ უფრო მეტ წარმატებებს იმსახურებს და იმედი მაქვს, ამ წარმატებებს ახალი მწვრთნელის ხელში მიაღწევთ. ვრჩები თქვენს გულშემატკივრად", - წერს დე ბიაზი ემოციურ პოსტში.
ყოველდღიური სპორტული გაზეთი "ლელო"
