სუპერმძიმე წონაში მსოფლიოს საკრივო საბჭოს (WBC) ვერსიით ჩემპიონი, ამერიკელი მოკრივე დიონტეი უაილდერი სკანდალში გაეხვა. ის ალაბამას შტატის ქალაქ ტასკალუსაში დააპატიმრეს მას შემდეგ, რაც მის კუთვნილ ავტომობილში მარიხუანა აღმოაჩინეს.პოლიციამ მოკრივის მანქანა ტონირების წესების დარღვევისთვის გააჩერეს. დოკუმენტების შემოწმებისას, პოლიციამ მარიხუანას სუნი იგრძნო. სამართალდამცავებმა ავტომობილი გაჩხრიკეს და მასში ნარკოტიკები აღმოაჩინეს.
უაილდერი დააპატიმრეს, მაგრამ, მოგვიანებით, ათას დოლარად თავდებით გაანთავისუფლეს. აგრეთვე, სპორტსმენი სასამართლოში დაიბარეს.
მოკრივის ადვოკატმა განაცხადა, რომ მარიხუანა ეკუთვნოდა არა უაილდერს, არამედ სხვა ადამიანს, რომელიც მოკრივის მანქანით სარგებლობდა, სანამ სპორტსმენი ქალაქში არ იმყოფებოდა.
ყოველდღიური სპორტული გაზეთი "ლელო"
