ზედრამატულ შეხვედრაში “პორტუმ” ლისაბონში დაამარცხა “ბენფიკა” და ჩემპიონატის დასრულებამდე 5 ტურით ადრე ისტორიაში 26-ე ჩემპიონობა დაიბევა. ის, რომ აღნიშნულ შეხვედრაში ბევრი რამე გაირკვეოდა, ჩემპიონატის დაწყებისთანავე ცხადი იყო, მაგრამ აღნიშნულ მატჩში თუ ჩემპიონის ვინაობა გაირკვეოდა, ძნელი წარმოსადგენი იყო. დაპირისპირების ბედი მალევე გაირკვა, ფრედი გუარინის გოლს სავიოლამ პენალტით უპასუხა, რასაც მალე ანალოგიურით უპასუხა ჰალკმა - 1:2. ამის შემდეგ მინდორზე მხოლოდ მოთამაშეთა რაოდენობა იცვლებოდა, ჯერ სტუმარი ოტამენდი გააძევეს, შემდეგ მასპინძელი ოსკარ კარდოსო. მატჩის დაწვრილებით აღწერას არ შევუდგებით, რადგან უფრო საინტერესო ის გვგონია, რა აქ ჟურნალისტები მის “უჩვეულო” სამწვრთნელო ასაკს შეეხნენ, რამაც სეუ ანდრე ცოტა არ იყოს უხერხულ მდგომარეობაში ჩააგდო: “ვხვდები, რომ ეს უცნაური აღფრთოვანება ჩემი მუშაობით ჩემივე ასაკიდან მოდის. მოკლედ, ბევრი რამე სწორედ ამის ბრალია. კარგია, რომ კომპლიმენტებს ხშირად ვიღებ, მაგრამ, გავიმეორებ, გამარჯვებაში ფეხბურთელებს და კლუბის მაღალჩინოსნებს უმთავრესი წილი უდევთ”.
