ალენა სერედოვადაბადების თარიღი: 1978 წლის 21 მარტი
დაბადების ადგილი: ჩეხეთი, პრაღა
სიმაღლე: 180,5 სმ.
პარამეტრები: 94-61-92
თვალის ფერი: წაბლისფერი
თმის ფერი: წაბლისფერი
არის: იტალიური საფეხბურთო კლუბ ტურინის „იუვენტუსის“ მეკარე ჯანლუიჯი ბუფონის მეუღლე - ტელე-წამყვანი, მსახიობი და მოდელი.
უმშვენიერესმა ალენამ მსახიობის პროფესიას მოდელისა და ტელე-წამყვანის საქმიანობაც შესანიშნავად შეუთავსა. მსოფლიოს საუკეთესო ლამაზმანის ტიტულის მოპოვების მსურველთა შორის მყოფი ალენა 1998 წელს საუკეთესო ხუთეულში მოხვდა. მოგვიანებით საცხოვრებლად იტალიაში გადავიდა. იტალიურ თეატრში სპექტაკლში „Guglielmo Tell e la Mela“ -ში მონაწილეობის პარალელურად ითამაშა ფილმში „მე
პატარა ელისკა
სერედოვების ოჯახში ალენას გარდა, კიდევ ერთი ქალიშვილი ელისკა აღიზარდა. გოგონებმა ბავშვობა ჩეხეთში, ვინორადის დასახლებაში გაატარეს. მშვენიერი ალენას მსგავსად, მისმა უმცროსმა დამ სამოდელო საქმიანობას მიჰყო ხელი და იტალიაში წარმატებული სამოდელო კარიერა მოიწყო. დის მსგავსად ელისკასაც ფეხბურთელი საქმრო ჰყავს.
გრანდე ჯიჯი
ალენა სერედოვას მშვენიერებამ და პროფესიულმა წარმატებებმა "იუვენტუსის" მეკარე ჯანლუიჯი ბუფონამდეც მიაღწია. მათი ხანგრძლივი ურთიერთობა 2011 წლის 16 ივნისს ქორწინებით დასრულდა. ჟურნალისტები ქორწილს ორი დღით გვიან 18 ივნისს ელოდებოდნენ. ჯვრისწერა პრაღაში, მშვენიერი ალენას მშობლიურ ქალაქში, წმიდა პეტრე-პავლეს ეკლესიაში გაიმართა, ხოლო საქორწინო წვეულება ტოსკანაში გაგრძელდა. სტუმართა შორის იყვნენ: ანდრეა პირლო, ჩირო ფერარა, სიმონე ვენტურა, ჯორჯო პანარიელო, ეროზ რამაცოტი, ფედერიკა პანიკუჩი და კარლო კონტი. საკურთხეველთან მიმავალ ალენას რობი უილიამსის სიმღერა “She’s the one” ჩაესმოდა.
ახალდაქორწინებულ ბუფონებს უკვე ჰყავთ ორი ვაჟი. 2007 წლის 28 დეკემბერს მათ ლუის ტომასი შეეძინათ. ბავშვის სახელი ჯიჯიმ კამერუნელი მეკარის ტომას ნ’კოსადმი უზომო სიყვარულის გამო შეარჩია. მეორე ვაჟი, დევიდ ლი, 2009 წლის 31 ოქტომბერს დაიბადა.
ბებერი ქალბატონი და ალენა
33 წლის ჯანლუიჯიმ, როდესაც საბოლოოდ გადაწყვიტა ბედი ჩეხი ლამაზმანისთვის დაეკავშირებინა სიახლე გულშემატკივრებსაც აუწყა: "მოგესალმებით ყველას. მსურს გახაროთ, რომ მე და ალენამ დაოჯახება გადავწყვიტეთ. ქორწილი პრაღაში გაიმართება".
ჯიჯი, რომ ერთგულია მან "იუვენტუსის" მიმართ არაერთგზის დაამტკიცა. რაღა გასაკვირია, რომ საკუთარი შვილების დედასთან ურთიერთობა ქორწინების ფიცითაც დააკანონა. ჟურნალისტებთან საუბარში მან ასეთი ფრაზაც თქვა: "ალენა და „იუვე“ სამუდამოდ“.
ჯანლუიჯი ბუფონი: "ალენა ერთადერთი ქალია, რომელიც მე მჭირდება. ეს ქორწილი ჩემს ცხოვრებაში ერთადერთია და აღარ განმეორდება.Aალენას ცოლობა დეკემბერში სპეციალურად ამ დღისთვის მოწყობილ ვახშამზე შევთავაზე, თუმცა თანხმობას რამდენიმე დღე ველოდებოდი. იმის მიუხედავად, რომ ორივენი დაკავებული ვართ შევძელით დრო გამოგვენახა. ქორწილი პრაღაში გადავწყვიტეთ, რადგან სიმშვიდეს ვეძებდით. ახლა არა მხოლოდ მამა, არამედ ქმარიც ვარ.
ალენა სერედოვა: "დავქორწინდით, რადგან ლამაზი და ბედნიერი სიყვარული გვაქვს. ქორწინებით ბიოროკრატიული პრობლემებიც მოგვარდა. შევეცდებით მესამე ბავშვზეც ვიზრუნოთ".
განუმეორებელი საჩუქარი
მეორე ვაჟის არსებობა ჯიჯის ალენამ ორიგინალური გზით აუწყა.
ალენა სერედოვა: "გადავწყვიტე ჯიჯისთვის ეს სიახლე საჩუქრის სახით მეთქვა. ცნობილი საიუველირო ფირმის საჩუქრების ყუთში ფეხმძიმობის ტეტსი ჩავდე. მან კი იფიქრა ბრილიანტის სამკაულს ვჩუქნიდი. თავიდან სიცხის საზომი ეგონა. იმის გასაანალიზებლად თუ რა ხდებოდა ხუთი წუთი დასჭირდა".
სტუმრად კიამბრეტის შოუში
ჯიჯი ბუფონი და ალენა სერედოვა დაქორწინებამდე რამდენიმე დღით ადრე პიერო კიამბრეტის შოუს ეწვივნენ. მომავალმა ცოლ-ქმარმა თავადაც იხალისეს და ტელე-მაყურებლებიც ახალისეს. ალენამ ხუმრობით ჯიჯისთან ქორწინების სამი მიზეზიც დაასახელა: "პირველი ის, რომ გვყავს ორი შვილი, მეორე - მაქვს გვარი, რომლიც არ მომწონს და მსურს გამოვცვალო. მესამე - როგორც იქნა, იტალიის მოქალაქე გავხდები". მომავალი მეუღლის ამ სიტყვებზე ჯიჯიმ ბევრი იხალისა.
ყოველდღიური სპორტული გაზეთი "ლელო"
