ქალ ფეხბურთელთა მსოფლიოს ჩემპიონატზე, ერთ-ერთმა ყველაზე საინტერესო გუნდმა, ინგლისის ნაკრებმა ასპარეზობა გუშინ, მექსიკასთან მატჩით დაიწყო, მანამდე კი, გუნდის მთავარმა დამრტყმელმა ძალამ კელი სმიტმა, რომელსაც „გოლების დედოფალს“ ეძახიან, ისეთი რამ აღიარა, რასაც, ჭორად გაგონილს, არავინ დაიჯერებდა. „ბოსტონ ბრიკერსის“ 32 წლის ფეხბურთელმა ქალმა, რომელიც პოზიციით თავდამსხმელია, ინგლისის ნაკრების შემადგენლობაში კი 104 მატჩში 43 გოლი აქვს გატანილი, განაცხადა, რომ ადრე ალკოჰოლიკი იყო.
„სმა კოლეჯში დავიწყე, მაგრამ ამას პრობლემად არ აღვიქვამდი მანამ, სანამ ფეხი არ მომტყდა, ეს კი 2004 წელს მოხდა, - აცხადებს ინგლისის
საბედნიეროდ, კელი სმიტი დღეს ალკოჰოლზე დამოკიდებული აღარ არის, თუმცა კითხვაზე, მიიჩნევს თუ არა თავის თავს ალკოჰოლიკად, ასე პასუხობს: „არ ვიცი, ამ კითხვაზე პასუხის გაცემა მიჭირს. მართალია, დღეს ყოველდღე აღარ ვსვამ, მაგრამ მაინც.“
კელი სმიტი ინგლისის გულშემატკივრებს პირდება, რომ მსოფლიოს ჩემპიონატის მსვლელობისას ალკოჰოლს ახლოს არ გაეკარება.
ყოველდღიური სპორტული გაზეთი "ლელო"
