ჯეკ უორნერი, ფიფას ყოფილი ვიცე-პრეზიდენტი, რომელმაც ივნისში დატოვა თანამდებობა, პრეზიდენტ ზეპ ბლატერს საჯაროდ დაესხა თავს. უორნერმა თქვა, რომ შვეიცარიელი ფუნქციონერი დიდების მანიითაა შეპყრობილი, არის საშინელი რასისტი და დისკრიმინატორი.
"აღარ შეიძლება ფიფას პრეზიდენტს მიეცეს იმის შანსი, რომ კვლავ ჩაგროს ხალხი კანის ფერის გამო. ვინმემ უნდა უთხრას მას - კმარა! არ შეიძლება ფიფას პრეზიდენტი ასე დაუსჯელად უშვებდეს დიდ შეცდომებს, დაკავებული იყოს სხვათა დისკრიმინაციით. ის დრო გავიდა, როცა ყველა ვდუმდით. ახლა აღარავინ არ უნდა გაჩერდეს, სხვა შემთხვევაში ფიფა დაღუპავს ფეხბურთს", - განაცხადა უორნერმა.
ყოველდღიური სპორტული გაზეთი "ლელო"
