28 მარტს "სელტიკის" ვებ-გვერდზე კლუბმა ოფიციალურად დაადასტურა, რომ უეფამ ის 25 ათასი ევროთი დააჯარიმა 15 დეკემბერს "ფრიულიზე" "უდინეზესთან" ევროპის ლიგის ჯგუფური ეტაპის შეხვედრისას (1:1) "გულშემატკივართა მხრიდან მიუღებელი საქციელის გამო". აღნიშნულ მატჩზე გლაზგოელმა ფანებმა "სტადიონზე" პიროტექნიკა შეიტანეს და რაც მთავარია, თავად უეფასადმი მიძღვნილი ბანერი (იხილეთ ფოტო) გადმოკიდეს.
აღნიშნული შეურაცხყოფა ციურიხელმა ფუნქციონერებმა 3 ნოემბერს "რენთან" მატჩის დროს (3:1) ფანების მიერ "უცენზურო სიმღერების" დაგუგუნების გამო "სელტიკის" 15 ათასი ევროთი დაჯარიმების წყალობით "დაიმსახურეს".
უეფას დისციპლინური კოდექსი კი ღაღადებს, რომ კლუბები დაისჯებიან, თუკი მათი გულშემატკივრები
შოტლანდიური პრესა უეფასგან ბევრად უფრო მძიმე სანქციას ელოდა, მაგრამ "კათოლიკები" გადარჩნენ. იტალიაში მავანმა შოტლანდიელმა გულშემატკივარმა ერთ-ერთ სტიუარდზეც კი გაიწია, თუმცა ჩხუბი თავად შოტლანდიელებმა აღკვეთეს. ამის მიუხედავად, "სელტიკმა" ამ ადამიანის ვინაობა გამოარკვია და მას ცხოვრების ბოლომდე აუკრძალა "სელტიკ პარკზე" დასწრება.
ყოველდღიური სპორტული გაზეთი "ლელო"
