ფიფამ საკუთარი ორგანიზაციის ყოფილი პრეზიდენტი ჟოაო აველანჟი და ბრაზილიის ფეხბურთის ფედერაციის ექს-პრეზიდენტი რიკარდო ტეიშეირა მსოფლიოს ჩემპიონატის მატჩების ტელეტრანსლაციის უფლებების გაცემისთვის ქრთამის აღებაში დაადანაშაულა.მსოფლიოს ჩემპიონატის მატჩების ტელეტრანსლაციის ხელსაყრელი კონტრაქტების სანაცვლოდ ისინი მარკეტინგული სააგენტო "International Sport and Leisure (ISL)"-ისგან ქრთამს იღებდნენ.
აღნიშნული სააგენტო 2001 წელს გაკოტრდა, მას შემდეგ, რაც 300 მილიონი დოლარი ვალი დაიდო.
ტეიშეირამ 1992-97 წლებში დაახლოებით 13 მილიონი დოლარი მიიღო, ხოლო აველანჟმა 1997 წელს მილიონი დოლარი. საერთო ჯამში, 1992-2000 წლებში ორივე ჩინოვნიკმა უკანონოდ 15 მილიონამდე დოლარი მოიხვეჭა.
ჟოაო აველანჟი
