მდიდარი კლუბების რეიტინგი: "სამეფო გუნდის" მდიდრული გვირგვინი

მადრიდის "რეალი" კვლავაც ლიდერობს მსოფლიოს უმდიდრესი კლუბების სიას. "სამეფო გუნდი" დიდი ხანია, ამ საფეხურიდან არ ჩამოდის და ყველაზე შემოსავლიან კლუბად რჩება. "რეალმა" "ლა დესიმას" მოგებისა და სატელევიზიო შემოსავლების 1%-ით გაზრდის წყალობით, 30,6 მილიონი ევროთი მეტი გამოიმუშავა.

აღვნიშნოთ ისიც, რომ "მანჩესტერ იუნაიტედი" მეოთხე ადგილიდან მეორემდე დაწინაურდა, ხოლო "ბარსელონამ" სამეულში დაკარგა ადგილი. ათეული სანახევროდ ინგლისური კლუბებითაა დაკომპლექტებული, იქვე ვხედავთ 2 ესპანურ, 1 გერმანულ, 1 ფრანგულ და ერთადერთ იტალიურ გუნდს, ისიც მე-10 საფეხურზე.

საინტერესოა ისიც, რომ სტამბოლის "გალათასარაი" ერთადერთი კლუბია, რომელიც ტოპ-5 ჩემპიონატის წევრი არ არის და 20-ეულში გვხვდება. ჩემპიონთა ლიგის გასული სეზონის ფინალისტი მადრიდის "ატლეტიკო" მე-20 ადგილიდან მეთხუთმეტემდე დაწინაურდა. ოცეულის ახალბედა წევრია იტალიური "ნაპოლი", რომლის შემოსავალი და ფინანსური რესურსი დაახლოებით ორჯერ გაიზარდა წინა სეზონთან შედარებით.

მსოფლიოს უმდიდრესი კლუბების სია
კლუბი ქვეყანა 2014 წ. (2013)
1. რეალი ესპანეთი 549,5 მლნ. ევრ (518,9)
2. იუნაიტედი ინგლისი 518 (423.8)
3. ბაიერნი გერმანია 487,5 (431,2)
4. ბარსელონა ესპანეთი 484,6 (482,6)
5. პსჟ საფრანგეთი 474,2 (398,8)
6. სიტი ინგლისი 414,4 (316,2)
7. ჩელსი ინგლისი 387,9 (303,4)
8. არსენალი ინგლისი 359,3 (284,3)
9. ლივერპული ინგლისი 305,9 (240,6)
10. იუვენტუსი იტალია 279,4 (272,4)

ყოველდღიური სპორტული გაზეთი "ლელო"