არც მესი და არც რონალდო - ევროპის ყველაზე ეფექტური ბომბარდირების რეიტინგი

"ბარსელონას" ფეხბურთელი ლიონელ მესი ჩემპიონთა ლიგის საუკეთესო ბომბარდირია, მაგრამ გოლების რაოდენობით, საშუალოდ მატჩში ის მხოლოდ მეხუთეა.

UEFA.com-მა ევროპის ყველაზე ეფექტური სნაიპერების რეიტინგი შეადგინა.

ლიონელ მესი ჩემპიონთა თასის/უეფას ჩემპიონთა ლიგის საუკეთესო ბომბარდირია, მაგრამ მადრიდის "რეალის" ფეხბურთელთან, კრიშტიანო რონალდოსთან ერთად ევროთასებზე გატანილი გოლების რაოდენობით, რაულ გონსალესს ჩამორჩება, რომელსაც 77 გოლი აქვს გატანილი.

უეფას ჩემპიონთა ლიგის შექმნის შემდეგ ევროპის წამყვან ფორვარდებს შესაძლებლობა მიეცათ, უფრო მეტი მატჩი ჩაეტარებინათ, ვიდრე წარსულის ბომბარდირებს. ამის შედეგად ამჟამინდელმა ბომბარდირებმა უკვე დიდი ხანია ძველ სნაიპერებს გადაუსწრეს.

მაგრამ თუ ავიღებთ გოლების რაოდენობას საშუალოდ მატჩში, სიაში წარსულის არცთუ ისე ცოტა ფეხბურთელი შეგვხვდება.

ფეხბურთელების გოლების მაჩვენებელი საშუალოდ ერთ მატჩში უეფას ჩემპიონთა ლიგაში/ჩემპიონთა თასში ასე გამოიყურება:

0.97: გერდ მიულერი (ბაიერნი) - 34 გოლი 35 მატჩში
0.86: ჟოზე ალტაფინი (მილანი/იუვენტუსი) - 24 გოლი 28 მატჩში
0.85: ფერენც პუშკაში (ჰონვედი/რეალი) - 35 გოლი 41 მატჩში
0.84: ალფრედო დი სტეფანო (რეალი) - 49 გოლი 58 მატჩში
0.82: ლიონელ მესი (ბარსელონა) - 75 გოლი 92 მატჩში
0.82: აგუაში (ბენფიკა) - 18 გოლი 22 მატჩში
0.76: ჟან-პიერ პაპენი (ოლიმპიკი/მილანი) - 28 გოლი 37 მატჩში
0.75: ეუსებიო (ბენფიკა) - 47 გოლი 63 მატჩში
0.74: რუდ ვან ნისტელროი (პსვ,მანჩესტერ იუნაიტედი/რეალი) - 60 გოლი 81 მატჩში
0.68: მარკო ვან ბასტენი (აიაქსი/მილანი) - 19 გოლი 28 მატჩში

აქ კი საუკეთესო ბომბარდირებს უეფას ყველა საკლუბო ტურნირების მიხედვით გაგაცნობთ:

0.9: რადამელ ფალკაო (პორტუ/ატლეტიკო) - 38 გოლი 42 მატჩში
0.87: გერდ მიულერი (ბაიერნი) - 62 გოლი 71 მატჩში
0.86: სტეფან გივარში (ოსერი/რენი.ნიუკასლი) - 24 გოლი 28 მატჩში
0.86: ფერენც პუშკაში (ჰონვედი/რეალი) - 37 გოლი 43 მატჩში
0.83: ალფრედო დი სტეფანო (რეალი) - 50 გოლი 60 მატჩში
0.82: ივან მრაზი (სლოვანი,სპარტა/დუკლა) - 18 გოლი 22 მატჩში
0.81: იუპ ჰაინკესი (ბორუსია მ.) - 45 გოლი 55 მატჩში
0.80: ლიონელ მესი (ბარსელონა) - 76 გოლი 95 მატჩში
0.80: კორნელიუს კისტი (ალკმაარი/პსჟ) - 20 გოლი 25 მატჩში
0.80: დენის ლოუ (მანჩესტერ იუნაიტედი) - 20 გოლი 25 მატჩში
0.80: კევინ ეკტორი (დერბი ქაუნთი) - 16 გოლი 20 მატჩში

სიაში შესულები არიან მხოლოდ ის ფეხბურთელები, ვინც მინიმუმ 20 მატჩი ჩაატარა.

აქვე გეტყვით, რომ უეფას საკლუბო ტურნირებად ითვლება: უეფას ჩემპიონთა ლიგა/ჩემპიონთა თასი, უეფას ევროპის ლიგა/უეფას თასი, თასების მფლობელთა თასი, უეფას სუპერთასი, საკონტინენტაშორისო თასი და ინტერტოტოს თასი.