13:21 ვიწყებთ უკვე ყველასთვის მობეზრებული თემით: "მანჩესტერ სიტიმ" გაზარდა წინადადება კევინ დე ბრუინზე. Bild-ი წერს, რომ "ვოლფსბურგი" თავისი ლიდერისთვის 80 მილიონ ევროს მიიღებს.14:00 ტიაგო ალკანტარა 2019 წლის ზაფხულამდე გააგრძელებს კონტრაქტს "ბაიერნთან", - წერს მიუნხენელთა ოფიციალური ვებგვერდი. ესპანელის ხელფასი წელიწადში 9 მილიონ ევრომდე გაიზრდება.
14:23 "ვესტ ჰემის" კაპიტანი კევინ ნოლანი დატოვებს გუნდს. ამის შესახებ განაცხადა "ჩაქუჩების" დირექტორთა საბჭოს თავმჯდომარემ, დევიდ გოლდმა.
14:33 "აინტრახტის" შემტევი ნახევარმცველი ტაკაში ინუი "ეიბარში" ითამაშებს, - წერს ესპანური კლუბის ოფიციალური ვებგვერდი. კონტრაქტი იაპონელთან სამწლიანია.
14:31 Sky
14:46 როკე სანტა კრუსი "მალაგაში" დაბრუნდა, - იტყობინება ესპანური კლუბის ოფიციალური ვებგვერდი. პარაგვაელი სეზონის ბოლომდე აიყვანეს იჯარით მექსიკის "კრუს ასულიდან".
14:53 დე ბრუინამდე "მანჩესტერ სიტიმ" გამოაცხადა ალექს სერანოს ტრანსფერის შესახებ "ვილიარეალიდან". "სიტიმ" 18 წლის ფეხბურთელში 2 მილიონი ევრო გადაიხადა.
15:00 "ასტონ ვილამ" ოფიციალურად გამოაცხადა ალექსანდრ ტონევის ტრანსფერზე. ეს ფეხბურთელი "ფროზინონეში" თამაშობდა. გარიგების დეტალების შესახებ არაფერს იტყობინებიან.
15:30 Tuttomercatoweb-ის ინფორმაციით, "ბენფიკაში" სამედიცინო შემოწმებაზე ჩავიდა "ზენიტის" მცველი კრისტიან ანსალდი. ვარაუდობენ, რომ არგენტინელის იჯარისთვის ლისაბონელები 2 მილიონ ევროს გადაიხდიან.
15:46 "სანდერლენდი" ახლოსაა ოლა ტოივონენის შეძენასთან. Northern Echo-ს ინფორმაციით, "რენის" ფორვარდს სამედიცინო შემოწმება ელის ინგლისურ კლუბში. გარიგება უახლოეს ორ დღეში დასრულდება.
16:13 "ბაიერნი" ისევ ფიქრობს "იუვენტუსიდან" კინგსლი კომანის შეძენაზე. მიუნხენელები მზად არიან, 20 მილიონი ევრო გადაიხადონ.
16:29 მარკოს ლოპესი ტოვებს "მანჩესტერ სიტის". ნიჭიერ ნახევარმცველში "მონაკო" 12 მილიონ ევროს გადაიხდის და... მაშინვე გაუშვებს იჯარით "ლილში".
16:36 ედვიჯეს მადურო პაოკ-იდან "გრონინგენში" გადავიდა, - იტყობინება ჰოლანდიური კლუბის ოფიციალური ვებგვერდი. კონტრაქტი ორი წლით არის გაფორმებული.
16:44 დღის ტრანსფერი: ფერნანდო ლორენტე "იუვენტუსიდან" "სევილიაში" გადავიდა. ფორვარდმა უკვე გაიარა სამედიცინო შემოწმება. "სევილიას" ფეხბურთელი უფასოდ ერგო და მასთან სამწლიანი კონტრაქტი გააფორმა. ლორენტემ ახალ კლუბში 24-ე ნომერი აირჩია.
17:14 "მარსელმა" დაადასტურა "რეალიდან" ლუკას სილვას ერთწლიანი იჯარა.
17:38 "მილანი" განიხილავს ალექს სონგის იჯარის ვარიანტს. "როსონერის" კამერუნელის ხელფასის ნაწილის გადახდა მოუწევს.
18:03 შონ მელოუნი ინგლისში დაბრუნდა - "ჰალმა" ნახევარმცველი "ჩიკაგო ფაირიდან" გამოისყიდა.
18:18 სონგისთვის ბრძოლაში "იუვენტუსიც" ერთვება. The Sun-ის ინფორმაციით, ტურინელებმა უკვე მიმართეს "ბარსელონას" კონკრეტული წინადადებით.
18:58 "უოტფორდის" მთავარმა მწვრთნელმა კიკე სანჩეს ფლორესმა განაცხადა, რომ მაცეი ვიდრასა და ფერნანდო ფორესტიერის შეუძლიათ, ახალი გუნდი ეძებონ, მიმდინარე სეზონში ამ ფეხბურთელების დახმარებას არ საჭიროებს.
19:00 ლეივენ კურზავა ოფიციალურად გახდა "პარი სენ-ჟერმენის" ფეხბურთელი. "მონაკოს" აწ უკვე ყოფილმა ფეხბურთელმა პარიზელებთან 2020 წლის ზაფხულამდე გააფორმა კონტრაქტი.
19:20 "ვალენსია" ოტამენდის შეცვლის "ბრაგას" მცველით, ადერლან სანტოსით, - იტყობინება AS. 26 წლის ფეხბურთელმა უკვე გაიარა სამედიცინო შემოწმება. დარჩენილია კონტრაქტის გაფორმება.
19:39 "ჯენოას" ნახევარმცველი იური კუჩკა უახლოეს პერიოდში "მილანის" მოთამაშე გახდება, - წერს Sky Sport Italia. სლოვაკის სანაცვლოდ, "როსონერი" 3 მილიონ ევროს გადაიხდის.
19:47 გაბრიელ პალეტა "ატალანტაში" გადავიდა. "მილანმა" არგენტინელი ერთწლიანი იჯარით გაუშვა, - იტყობინება კლუბის ოფიციალური ვებგვერდი.
20:19 Kicker-ი წერს, რომ "ვოლფსბურგმა" შეათანხმა დანტეს კონტრაქტი. ადრე იტყობინებოდნენ, რომ "ბაიერნი" ბრაზილიელში 9 მილიონ ევროს ითხოვდა.
20:28 "ბეტისმა" ხელი მოაწერა კონტრაქტს უკრაინის ახალგაზრდული ნაკრების ნახევარმცველთან, ბექა ვაჩიბერაძესთან. ესპანელებმა ფეხბურთელი უფასოდ აიყვანეს, რადგან "შახტართან" კონტრაქტს ვადა გაუვიდა.
20:50 ალესანდრო მატრი ახლოს არის "ვესტ ჰემში" გადასვლასთან. ჯანლუკა დი მარციო წერს, რომ ლონდონური კლუბი ამ ფეხბურთელით მას შემდეგ დაინტერესდა, რაც "იუვენტუსიდან" ძაძას ტრანსფერი ჩაუვარდა.
20:57 ადრიან ლოპესი "ბეტისში" იჯარის წესით გადავიდა. "პორტუ" გადაიხდის ფეხბურთელის ხელფასის ნაწილს.
20:59 "ვერდერის" ოფიციალური ვებგვერდი იტყობინება, რომ სედრიკ მაკიადი "რიზესფორში" ითამაშებს. თურქებს 31 წლის მარჯვენა ნახევარმცველი უფასოდ ერგოთ.
ყოველდღიური სპორტული გაზეთი "ლელო"
