ფიფას მოქმედი პრეზიდენტის, იოზეფ ბლატერის წინააღმდეგ, შესაძლოა, საქმე აღიძრას. ბლატერი მსოფლიოს 2018 და 2022 წლების ჩემპიონატების ბილეთების გაყიდვაზე უფლებების განაწილების საქმეზე თანამდებობის ბოროტად გამოყენებაშია ეჭვმიტანილი. ამის შესახებ გამოცემა L'Equipe-ი იუწყება.
წყაროს ცნობით, ბლატერმა ბილეთების გაყიდვაზე უფლებების განაწილებისას უპირატესობა იმ კომპანიას მიანიჭა, რომლის აქციონერი მისი ნათესავი ფილიპ ბლატერია. აღსანიშნავია, რომ მსგავსი შემთხვევებისთვის გათვალისწინებული ტენდერი არ გამართულა.
