პოპულარულმა ფრანგულმა ჟურნალმა "ფრანს ფუტბოლმა" ჩაატარა გამოკითხვა, რომელსაც უნდა გამოევლინა ყველა დროის საუკეთესო მეკარე.მკითხველთა ვერსიით, პირველი ადგილი დაიკავა "იუვენტუსისა" და იტალიის ნაკრების გო
ლკიპერმა ჯანლუიჯი ბუფონმა. მან ხმების 44 პროცენტი მოიპოვა.
რადგან გამოკითხულთა შორის ფრანგები ჭარბობდნენ, საკამათოა მეორე ადგილის მფლობელის ვინაობა - საფრანგეთის ნაკრების ყოფილი მეკარე ფაბიენ ბარტეზი (17 პროცენტი). მესამე ადგილი გაიყვეს საბჭოთა კავშირის ნაკრების კარის დარაჯმა ლევ იაშინმა და გერმანელმა ოლივე კანმა (ორივეს - 7 პროცენტი).
სულ გამოკითხვაში მონაწილეობა მიიღო 24 548 რესპოდენტმა.
ყოველდღიური სპორტული გაზეთი "ლელო"
