27 მაისს, საქართველო-სლოვაკეთის მატჩის პარალელურად, ევროპულ სტადიონზე კიდევ რამდენიმე საერთაშორისო ამხანაგური შეხვედრა გაიმართა.საინტერესო დაპირისპირება შედგა დუბლინში, სადაც მსოფლიოს 2018 წლის შესარჩევ ჯგუფში საქართველოს ნაკრების მეტოქე ირლანდიამ ჰოლანდიის ნაკრებს უმასპინძლა. შეხვედრა ფრედ 1:1 დასრულდა.
შეინ ლონგის მიერ 30-ე წუთზე გატანილ გოლს სტუმრებმა 85-ე წუთზე, ლიუკ დე იონგის ზუსტი დარტყმით უპასუხეს.
იხილეთ ვიდეო
სტუმრად ხორვატიასთან, მინიმალური ანგარიშით დამარცხდა მუნდიალის შესარჩევში ჩვენი კიდევ ერთი მეტოქე - მოლდოვა. შეხვედრის ერთადერთი გოლი მე-9 წუთზე ანდრეი კრამერიჩმა გაიტანა.
გამორჩეული შეხვედრა ჩატარდა სანდერლენდში, სადაც ინგლისის ეროვნულმა
ინგლისელები მარკუს რაშფორდისა (მე-3 წუთზე) და უეინ რუნის (55) გოლებით დაწინაურდნენ, სტუმრებმა კი მხოლოდ სხვაობა შეამცირეს - ისიც, ერიკ დაიერის "ბრწყინვალე" ავტოგოლით (75).
იხილეთ ვიდეო
რაც შეეხება სხვა მატჩებს, ჩეხეთმა ექვსი უპასუხო გოლი გაუტანა მალტას, ჩრდილოეთ ირლანდიის ნაკრებმა კი ბელორუსს ანგარიშით 3:0 სძლია.
