13:17. პრემიერლიგიდან გავარდნილი "ნიუკასლის" ფრანგ ნახევარმცველ მუსა სისოკოს მილანის "ინტერი" პირად კონტრაქტზე შეუთანხმდა და ახლა მხოლოდ კლუბებს შორის შეთანხმება რჩება - "ინტერი" "კაჭკაჭებს" 35 მილიონ ევროს სთავაზობს, "ნიუკასლი" კი 5 მილიონით მეტს ითხოვს. მოკლედ, "ნიუკასლი" მაინც ვერ შეძლებს მოწინავე ფეხბურთელების შენარჩუნებას. 13:21. "გალათასარაის" დირექტორმა დაადასტურა, რომ კლუბი ლასანა დიარათი დაინტერესდა.
13:25. "ტელეგრაფის" ცნობით, "ევერტონმა" უკვე მიმართა წინადადებით "მანჩესტერ სიტის" ჯო ჰარტის ტრანსფერის თაობაზე.
13:31. "ფუტბოლ იტალია" ავრცელებს ცნობას, რომლის თანახმადაც, "ინტერი" მზად არის, ჯანერ ერკინს შეელიოს. არადა, ეს ფეხბურთელი "ინტერმა"
13:38. მადრიდის "ატლეტიკოს" მცველი ხავი მანკილიო, რომელიც გასულ სეზონში იჯარით "მარსელში" თამაშობდა, ახალ სეზონს "უოტფორდში" ან "სანდერლენდში" გაატარებს. ინფორმაციის წყარო "სქაი სპორტსია".
13:43. "მონაკოს" დაცვის გაძლიერება ვოლფსბურგელი ჟოზუა გილავოგის დამატებით სურს. ორი კლუბი დიდი ხანია, მოლაპარაკების პროცესშია და მალე ყველაფერი დასრულდება. გილავოგი უკვე გაემგზავრა მონაკოში სამედიცინო შემოწმების გასავლელად.
13:57. "აიაქსის" მეკარე იასპერ სილესენი წუთი-წუთზე "ბარსელონას" მეკარე გახდება. კატალონიელები მასში 13 მილიონ ევროს იხდიან.
14:08. "ჩელსიმ", როგორც იქნა, გამონახა კლუბი, რომელიც წაიყვანს მარკო მარინს - გერმანელი ნახევარმცველი უკვე ათენშია. სამშაბათს ის სამედიცინო შემოწმებას გაივლის და "ოლიმპიაკოსთან" კონტრაქტს გააფორმებს.
14:15. ალესანდრო დიამანტით "ემპოლი" დაინტერესდა, მაგრამ ჩინეთში ნათამაშებ ფეხბურთელს "ემპოლი" 1,3 მილიონ ევროს წელიწადში ვერ გადაუხდის.
14:22. "ვესტ ბრომვიჩს" იჯარით "საუთჰემპტონის" ფორვარდ ჯეი როდრიგესის აყვანა სურს. ჯეის კონტრაქტით 3 წელი კიდევ რჩება "წმინდანებში", მაგრამ მას სათამაშო პრაქტიკა აკლია.
14:32. "კალჩო მერკატოს" ცნობით, "იუვენტუსი" მზად არის, სიმონე ძაძა იჯარით გაასხვისოს. ძაძა შესაძლოა, "ვესტ ჰემში" აღმოჩნდეს, სეზონის ბოლოს 25 მილიონ ევროდ გამოსყიდვის უფლებით.
14:36. "ვოლფსბურგის" მცველმა დანტემ დაადასტურა, რომ "ნიცაში" გადადის. მას ისევ ლუსიენ ფავრთან ერთად მუშაობა სურს.
14:45. დანტეს ნაცვლად "ვოლფსბურგი" მატიას გინტერს იყიდის. "კიკერის" ინფორმაციით, "მგლები" "ჰამბურგს" და "ლაიპციგს" აჯობებენ და მცველს თავიანთ ბუნაგში წაიყვანენ.
14:52. მუნირ ელ-ჰადიდი "ბარსელონას" ტოვებს და "ტოტენჰემში" გადადის. ინფორმაციის წყარო ბარსელონური ტაბლოიდი "სპორტია". თურმე, მუნირი პსჟ-ს, "შალკეს", "რეალ სოსიედადსა" და "სელტას" სურთ, მაგრამ ფეხბურთელი უპირატესობას ლონდონურ კლუბს ანიჭებს.
15:04. ნიკოლა ლომბერტსის აგენტი წუხს, რომ "ზენიტმა" ფეხბურთელს საბაზროზე გაცილებით დიდი ფასი დაადო. "გალათასარაი" და "ფენერბაჰჩე", ასევე, ინგლისური "კრისტალ პალასი" დაინტერესდებიან, როგორც კი რუსები ლომბერტსის ფასს დააკლებენ.
15:15. მილანის "ინტერს" სატრანსფერო აქტიურობაში ხელს უეფას ფინანსური ფეარ პლეის წესი უშლის. "ნერაძურის" ჟოაო მარიოს ყიდვა სურს, მაგრამ ევროპის ჩემპიონი 45 მილიონი ევრო ღირს. ხავიერ ძანეტის თქმით, ფეარ პლეის გამო პორტუგალიელი "ინტერში" ალბათ ვერ გადავა.
15:25. "ატლეტიკომ" ისევ გაანათხოვრა მცველი ემილიანო ველასკესი, ამჯერად, ის პორტუგალიურ "ბრაგაში" გაუშვეს.
15:33. მარჩელო ბროზოვიჩით "ჩელსი", "ლესტერი", "ვესტ ჰემი" და "იუვენტუსია" დაინტერესებული, მაგრამ "ინტერი" 23 წლის ნახევარმცველის გაყიდვას არ გეგმავს.
15:41. "იუვენტუსი" ფავორიტია "სანტოსის" ფორვარდ გაბრიელ ბარბოსას შეძენის საკითხში. ოლიმპიურ ჩემპიონს ნეიმართან "ბარსელონაში" სურს, მაგრამ მას ახლა მხოლოდ ორი ვარიანტი შერჩა - "იუვე" და მილანის "ინტერი".
16:02. "სქაის" ცნობით, კულიბალი 90%-ით "ნაპოლიში" რჩება.
16:10. ანტუან გრიზმანმა "გარდიანს" უთხრა, რომ "ატლეტიკოს" მხოლოდ ინგლისურ გრანდზე თუ გაცვლის. ფრანგი ფორვარდი ჯერ თავისი კონტრაქტის ბოლომდე მადრიდში თამაშს აპირებს.
16:17. "სანის" ცნობით, "ლივერპული" მალე ტიაგო ილორის დაემშვიდობება, ის "ოლიმპიაკოსში" 5 მილიონი ევროს სანაცვლოდ გადავა. ილორიმ მერსისაიდულ გუნდში 4 სეზონის განმავლობაში 3 მატჩი ითამაშა!
16:23. "დეილი მეილის" ინფორმაციით, "აიაქსში" სილესენს ტიმ კრული შეცვლის, რომელიც "ნიუკასლის" ფეხბურთელია.
16:28. "ტელეგრაფი" წერს, რომ დენი დრინკვოტერი მალე "ლესტერთან" ახალ კონტრაქტს გააფორმებს, რომლის მიხედვითაც ის კვირაში თითქმის 90 ათას გირვანქას მიიღებს.
16:36. ზინედინ ზიდანი ამტკიცებს, რომ ხამეს როდრიგესი მადრიდში ბედნიერია და "რეალის" დატოვება სულაც არ სურს. ასე რომ, "არსენალსა" და "ჩელსის" სულ ტყუილად აქვთ კოლუმბიელის ხელში ჩაგდების იმედი.
16:51. ოფიციალურად - "ვულვერჰემპტონში" ჩაირიცხნენ ბორტვიკ-ჯექსონი და ჯონი.
16:58. ოფიციალურად - "ევერტონის" მცველი ბრენდონ გელოუეი ერთ სეზონს იჯარით "ვესტ ბრომვიჩში" გაატარებს.
17:19. "ბენფიკას" ფეხბურთელი ადელ ტააბარტი თავისი მდგომარეობით უკმაყოფილოა და წასვლა სურს. მისით "მარსელი" დაინტერესდა. ამ ქალაქში ტააბარტის მშობლები ცხოვრობენ და თავად ფეხბურთელსაც გული საფრანგეთისკენ მიუწევს.
17:24. "სქაი იტალია" წერს, რომ "ჩელსიში" მიხვდნენ, რომ კულიბალის ან კიელინის ვერ შეწვდებიან და "მილანის" მცველ ალესიო რომანიოლის ტრანსფერზე გადაერთვნენ.
17:33. არსენ ვენგერმა იპოვა ფეხბურთელი, რომელიც პერ მერტეზაკერს (ტრავმირებულია) შეცვლის - ეს არის ურუგვაელი ხოსე ხიმენესი. "ატლეტიკოს" მის სანაცვლოდ 56 მილიონ ევროს ჰპირდებიან. 21 წლის მცველი "არსენალისთვის" პრიორიტეტული სამიზნე ყოფილა.
17:40. "ბენფიკას" ბრაზილიელი ნახევარმცველი ტალისკა ახლოსაა "ბეშიქთაშში" გადასვლასთან.
17:50. ერნანეში ახლოსაა იმ გადაწყვეტილებასთან, რომლის წყალობითაც ის "იუვენტუსს" დატოვებს. ბრაზილიელით "ბენფიკა" დაინტერესდა. მისი იჯარა წელიწადში 5-6 მილიონი ევრო ჯდება.
17:56. "აინტრახტის" ნახევარმცველი ანის ბენ-ჰატირა "დარმშტადტში" გადავიდა.
18:06. "ურალმა" ხელშეკრულება გაუგრძელა ზამბიის ნაკრების ფეხბურთელ ჩისამბა ლუნგუს, რომელსაც საქართველოს ახალგაზრდულ ნაკრებში აქვს ნათამაშები.
18:17. "ნიუკასლის" ფორვარდი სიმ დე იონგი ერთი წლით პსვ-ში გადავიდა.
18:40. "ვესტ ჰემს" ძალიან სურს "სიტის" ფორვარდ უილფრიდ ბონის შეძენა ან იჯარით აყვანა. "ჩაქუჩებმა" ვერ შეძლეს ბატშუაის, ბაკას ან ბენტეკეს ყიდვა და ახლა ბონის უტრიალებენ.
19:23. "უნაიტედის" ფეხბურთელი ჯეიმს უილსონი იჯარით "დერბი ქაუნთიში" გადაბარგდა.
19:35. "ფანატიკი" წერს, რომ "ლივერპული" ბრუნო მარტინს ინდის სანაცვლოდ 4,9 მილიონ ევროს უხდის "პორტუს". ორი წლის წინათ, მარტინს ინდის სანაცლოდ "პორტუმ" 7 მილიონი ევრო გადაიხადა და მისი ნაკლებ ფასში გაყიდვა არ სურს.
19:49. "პესკარამ" "აიაქსიდან" 20 წლის ხორვატი რობერტ მურიჩი და პსჟ-დან 23 წლის ჟაკ-კრისტოფ ბაებეკი გადაიყვანა. იტალიურ კლუბს ზაფხულში ორივეს გამოსყიდვის უფლება ექნება.
20:01. ნიკოლა ლომბერტსმა წინასწარი შეთანხმება გააფორმა "ანდერლეხტთან". აღსანიშნავია, რომ რუსები მის სანაცვლოდ 4,5 მილიონ ევროს ითხოვდნენ.
20:12. "პორტუს" გარემარბი ჟოზე იჯარით სტამბოლის "გალათასარაიში" გადავიდა.
20:38. "სანის" ცნობით, კლაუდიო ბრავო "მანჩესტერ სიტის" ფეხბურთელი უკვე ხუთშაბათს გახდება. სწორედ ამ ტრანსფერის გამო კატალონიელები აჩქარებენ სილესენის ტრანსფერს.
21:00. "ბოლონიას" პრეზიდენტმა ჯოუი საპუტომ განაცხადა, რომ ის ფეხბურთელებს მარკეტინგული მიზნებით არ ყიდულობს, მისთვის მთავარი სპორტული საკითხია. ამიტომ მარიო ბალოტელი "ბოლონიაში" ნამდვილად არ იქნება.
ყოველდღიური სპორტული გაზეთი "ლელო"
