ვაკის საკალათბურთო აკადემიაში გუშინ ღია ვარჯიში გამართა საქართველოს 18-წლამდელთა ნაკრებმა. საშუალება მოგვეცა გავცნობოდით გუნდის მზადების პროცესსა და სამომავლო გეგმებს. ამ საქმეში უკეთ გუნდის მთავარი მწვრთნელი, მიხეილ ბერუაშვილი გაგვარკვევს.- ჭაბუკთა ნაკრებმა მზადება მარტიდან დაიწყო. თავიდან კვირაში ერთხელ ვიკრიბებოდით და რუსთავის დარბაზში ვვარჯიშობდით, ივნისიდან კი ყოველდღიურ წვრთნას შევუდექით. უკრაინაში საკონტროლო მატჩების გასამართად მივემგზავრებით, საქართველოში დაბრუნების შემდეგ ვარჯიშს "დინამოს" ბაზაზე გავაგრძელებთ. იქ ვიცხოვრებთ.
- ფიზმომზადება სად გაიარეთ?
- საქართველოს 18-წლამდელთა ჩემპიონატი ძალიან გაიწელა. ფინალური სერია დღეს (24 ივნისს) მთავრდება. ვინც პირველობა ადრე დაასრულა, 10-დღიანი
- ჭაბუკთა ნაკრებში კიდევ ვის ელით?
- ფინალის მონაწილე გუნდებიდან "ქუთაისიდან" და "სოხუმიდან" ორ-ორი კალათბურთელი შემოგვიერთდება: ცირეკიძე, გრძელიძე, როგავა და ჩოჩია.
- გაკლიათ ბექა ბურჯანაძეც.
- იგი ესპანეთშია, "კახასოლში" ვარჯიშობს, საქართველოში 1 ივლისს ჩამოვა.
- ბექა უნივერსალია. თქვენ რა პოზიციაზე ათამაშებთ?
- ცენტრები გვყავს, ამიტომ, ხუთ ნომრად ბურჯანაძეს, ალბათ, იშვიათად მოუწევს თამაში. მას ძირითადად მძიმე ფორვარდის ამპლუაში გამოვიყენებთ.
- რომელი პოზიციაა მეტად პრობლემატური?
- დღეს ვერ დავკონკრეტებ. საკონტროლო მატჩები ბევრ პლუსსა და მინუსს გვიჩვენებს.
- უკრაინაში როდის მიემგზავრებით?
- 25 ივნისს. იქაურ თანატოლებთან ორ საკონტროლო მატჩს ჩავატარებთ და საქართველოში ივნისშივე დავბრუნდებით.
- ამხანაგური შეხვედრები კიდევ ხომ არ იგეგმება?
- ჩვენი კალათბურთის ფედერაცია თურქეთის ფედერაციასთან აწარმოებს მოლაპარაკებას. ვიმედოვნებთ, რომ ივლისში თურქეთშიც ჩავატარებთ რამდენიმე შეხვედრას.
- ევროპის ჩემპიონატის შესარჩევ ტურნირზე რა მიზნებს ისახავთ?
- ახლა გუნდის სათანადოდ მომზადებაზე ვზრუნავთ, ბულგარეთში ჩასვლის შემდეგ მთავარი ამოცანა ჯგუფიდან გასვლა იქნება.
- მეტოქეებზე რას იტყვით?
- მოწინააღმდეგეებად წამყვანი საკალათბურთო ქვეყნის გუნდები არ გვყავს, მაგრამ არც იოლი თამაშები გველის. ჯგუფის ფავორიტი, სავარაუდოდ მასპინძელი ბულგარეთი იქნება.
მოთამაშე სმ დაბ.წ. ამპლუა გუნდი
ირაკლი მიქელაძე 179 1994 გამთამაშებელი ავერსი
რეზო როგავა 185 1993 გამთამაშებელი სოხუმი
ლევან გრძელიძე 190 1994 უკანახაზელი ქუთაისი
ნიკა რამიშვილი 179 1994 უკანახაზელი ავერსი
გელა გულმაგარაშვილი 196 1993 უკანახაზელი ზაზა
ალეკო ჩოჩია 185 1993 უკანახაზელი სოხუმი
კახა ჯინჭარაძე 192 1993 ფორვარდი ფოთი
ლევან ლოლიშვილი 200 1994 ფორვარდი ორბი
ილია ჯიშიაშვილი 204 1993 ფორვარდი სტუ
ბექა ბურჯანაძე 201 1994 ფორვარდი კახასოლი (ესპანეთი)
საბა ლობჟანიძე 192 1993 ფორვარდი სტუ
გიორგი ცირეკიძე 202 1994 წინახაზელი ქუთაისი
ბექა ნადირაძე 202 1994 წინახაზელი ავერსი
ლერი კვანტალიანი 202 1994 წინახაზელი ავერსი
დავით კორძაძე 203 1993 წინახაზელი სოხუმი
A ჯგუფის კალენდარი
21 ივლისი
15:45 უნგრეთი-ავსტრია
20:15 საქართველო-ლუქსემბურგი
22 ივლისი
15:45 საქართველო-უნგრეთი
20:15 ბულგარეთი-ლუქსემბურგი
23 ივლისი
15:45 საქართველო-ავსტრია
20:15 უნგრეთი-ბულგარეთი
24 ივლისი
15:45 ლუქსემბურგი-უნგრეთი
20:15 ბულგარეთი-ავსტრია
25 ივლისი
15:45 ავსტრია-ლუქსემბურგი
20:15 ბულგარეთი-საქართველო
ყოველდღიური სპორტული გაზეთი "ლელო"
