რუმინეთში საერთაშორისო ტურნირ "ბალკანეთის მომავალ ვარსკვლავში" საასპარეზოდ მყოფმა საქართველოს 16-წლამდელთა ნაკრებმა ნახევარფინალური მატჩი თურქეთთან წააგო. კოტე ტუღუშის გაწვრთნილმა ქართველებმა ევროპის ჩემპიონატის A დივიზიონის წევრთან ბოლომდე იბრძოლეს, მაგრამ წარმატების შანსი არ ჰქონიათ.შეხვედრა თურქებმა 29 ქულით - 87:58 მოიგეს. ქართველები ტოლ-სწორად თურქებს მეორე ტაიმში ეთამაშნენ, თუმცა პირველ ნახევარში სხვაობა დიდი იყო და საბოლოოდ დიდი სხვაობაც დაფიქსირდა.
საქართველოს ნაკრებში 23 ქულით საუკეთესო შედეგი ოთარ პერტაიამ დააფიქსირა. მეორე ქართველი კალათბურთელი, რომელიც 10-ქულიან ზღვარს ასცდა, საბა გეგუჩაძე იყო 11
საქართველოს ნაკრები ბუქარესტის ტურნირზე ბოლო, მე-3 ადგილისთვის მატჩს 21 დეკემბერს გამართავს. ქართველებს რევანშის შანსი ეძლევათ. ტურნირის პირველი მატჩი სწორედ დღევანდელ მეტოქე ბულგარეთთან - 63:67 წააგეს. შეხვედრა თბილისის დროით 6-ის ნახევარზე დაიწყება და მისი პირდაპირი ტრანსლაციის ნახვა შეგეძლებათ ბმულზე.
მომზადებულია gbf.ge-ს მიხედვით
