წასვლის წინა დღეს საქართველოს 18-წლამდელთა ნაკრებმა აკადემიის დარბაზში ღია ვარჯიში მოაწყო, სადაც
- გუნდი პირველად ოქტომბერში შევკრიბეთ. კვირაში ორჯერ ვვარჯიშობდით, რათა კალათბურთელები ერთმანეთთან შეთამაშებულიყვნენ და მათგან ოპტიმალური შემადგენლობა შეგვერჩია. ივნისიდან ყოველდღიურ წვრთნაზე გადავედით დღეში ორჯერადი ვარჯიშით. ივნისის ბოლოს შეკრება დუშეთში გავიარეთ. შესანიშნავი პირობები გვქონდა და სათანადოდაც ვემზადებოდით...
- შემდეგ იყო სამი საკონტროლო მატჩი უკრაინის ჭაბუკთა ნაკრებთან. ისეთი შთაბეჭდილება დარჩა, რომ მეტოქემ ფიზიკურად გაჯობათ.
- ვერ ვიტყვი, რომ ჩვენი გუნდი ფიზიკურად ცუდადაა მომზადებული. საქმე ისაა, რომ უკრაინას ძალიან ძლიერი გუნდი ჰყავს, რომელიც ევროპის ჩემპიონატზე იასპარეზებს და ვფიქრობ, მაღალი მიზნებისთვისაც იბრძოლებს. უკრაინელებს 210-216 სანტიმეტრი სიმაღლის ბიჭები ფარქვეშ ჰყავდათ, 205-206 - სანტიმეტრიანები კი პერიმეტრზე თამაშობდნენ და სამქულიანებსაც კარგად ისროდნენ. ჩვენ კი ყველაზე დიდი პრობლემა წინა ხაზში გვაქვს - არ გვყავს ტანმაღალი მოთამაშეები...
- გუნდში არ არის ირაკლი ალხანაიძე. ამ ტანმაღალმა კალათბურთელმა გასულ სეზონში 18-წლამდელთა ჩემპიონატი დამაჯერებლად ჩაატარა.
- ოპტიმალური შემადგენლობის თავმოყრა, პირველ რიგში, მწვრთნელებს გვსურდა, თუმცა ალხანაიძის დამატება ვერ მოხერხდა. ოქტომბერში, ვარჯიშს რომ შევუდექით, ირაკლი თვითონ მოვიდა და გვითხრა - ზაფხულში გამოცდები მაქვს, უნდა მოვემზადო და ვერ დაგეხმარებითო. ცხადია, სპორტსმენმა თავად უნდა განსაზღვროს თავისი მომავალი კარიერა და ჩვენც წარმატებები ვუსურვეთ.
- თელ-ავივში რა მიზნებს ისახავთ?
- საწყის ეტაპზე ორ საუკეთესოს შორის მოხვედრისთვის ვიბრძოლებთ. ჩვენი მთავარი მიზანი კი კალათბურთელების ეროვნული ნაკრებისთვის მომზადებაა.
- მეტოქეთა თამაშს თუ იცნობთ?
- სამწუხაროდ, მათ შესახებ მხოლოდ ინტერნეტით მოპოვებული ინფორმაცია გვაქვს. ჯგუფის ფავორიტი ჩერნოგორია უნდა იყოს, აუტსაიდერი - ლუქსემბურგი. დანარჩენ სამს თანაბარი შანსი გვაქვს.
საქართველოს 18-წლამელთა ნაკრები
მოთამაშე დაბ. თარ. სიმაღლე გუნდი
8. მერაბ ბოქოლიშვილი 17.02.1992 194 აკადემია
11. ნოდარ თენიეშვილი 06.07.1992 198 აკადემია
9. ლევან ელიაძე 13.12.1992 196 აკადემია
12. ბექა ჭიჭვეიშვილი 02.12.1992 197 აკადემია
10. გიორგი ტეტელაშვილი 07.17.1992 187 ნიკეა
6. გიორგი კოღუაშვილი 20.04.1992 194 დინამო
13. გოგა ჯავახიშვილი 08.09.1992 200 აკადემია
15. ლევან რევაზაშვილი 27.03.1992 209 მაკაბი
7. დუდა სანაძე 25.07.1992 192 ჰიუნდაი
5. ნოდრ შარაბიძე 25.09.1992 202 ვალენსია (ესპანეთი)
4. ირაკლი ჩერქეზიშვილი 06.05.1992 175 ჰიუნდაი
14. კახა მუმლაძე 27.04.1992 198 აკადემია
მწვრთნელი: მიხეილ კობეშავიძე
ასისტენტი: კახა შენგელია
ექიმი: ზურაბ ჯანიკაშვილი
A ჯგუფი: სლოვაკეთი, შვეიცარია, ჰოლანდია, ფინეთი, ჩეხეთი.
B ჯგუფი: შოტლანდია, ბელგია, პორტუგალია, ბოსნია, უნგრეთი.
ჩ ჯგუფი: დანია, ინგლისი, რუმინეთი, ბელარუსი, ისრაელი.
D ჯგუფი: ლუქსემბურგი, ესტონეთი, საქართველო, ჩერნოგორია, ავსტრია.
D ჯგუფის კალენდარი
22 ივლისი
11:00 ჩერნოგორია-ავსტრია
19:15 ესტონეთი-საქართველო
23 ივლისი
14:45 ლუქსემბურგი-ჩერნოგორია
17:00 ესტონეთი-ავსტრია
24 ივლისი
12:30 ესტონეთი-ლუქსემბურგი
17:00 საქართველო-ავსტრია
25 ივლისი
12:30 საქართველო-ლუქსემბურგი
19:15 ჩერნოგორია-ესტონეთი
26 ივლისი
14:45 ავსტრია-ლუქსემბურგი
19:15 საქართველო-ჩერნოგორია
