ქუთაისში დიდი კალათბურთის დაბრუნებამ სპორტის სასახლეში ნამდვილი საკალათბურთო გარემო შექმნა. მოქმედ ჩემპიონთან და დუდუ დადიანის მემორიალის ზედიზედ ხუთგზის გამარჯვებულთან დაპირისპირებამ გულშემატკივრები მრავლად მოიზიდა. ისინი მთელი მატჩის განმავლობაში აქტიურად ქომაგობდნენ საყვარელ გუნდს. გამარჯვებულის ბედი მატჩის უკანასკნელ წამებზე გაირკვა. მართალია, ”ქუთაისის" დამარცხების გამო ადგილობრივებს გული დასწყდათ, მაგრამ სანახაობრივი თამაშით კმაყოფილნი დარჩნენ და მატჩის შემდეგ ორივე გუნდი ტაშით გააცილეს.
ქომაგებისგან გამხნევებულმა ქუთათურებმა მატჩი აქტიურად დაიწყეს, განსაკუთრებით რევაზ დიდია და
მეორე ტაიმი მასპინძლებმა აღმავლობით დაიწყეს და რუსთაველები 11-ქულიანი სხვაობით ჩამოიტოვეს (50-39), მაგრამ, ამის შემდეგ მალხაზ კოხრეიძის შეგირდებმა მესამე პერიოდის დარჩენილ დროში მხოლოდ ქულის მოპოვება შეძლეს, ბოლქვაძემ კი ორიდან ერთი საჯარიმო გამოიყენა. რუსთაველები _ პირიქით, კარგად ათამაშდნენ და მესამე პერიოდის დასრულებამდე ექვსი წამით ადრე ტუჯანმა ანგარიში გაათანაბრა 51:51. სხვათა შორის, ტუჯანი მატჩის ერთ-ერთი საუკეთესო კალათბურთელი იყო და ორმაგი დუბლიც (18ქ. 11მ.) მიითვალა. მის გარდა, ორმაგი დუბლი ქუთაისელმა მამუკა ბოლქვაძემ შეასრულა (10ქ. 14მ.), თუმცა, მატჩისა და, საერთოდ, ტურის საუკეთესო კალათბურთელად გოგა ცეკვავა (23ქ. 7მ.) უნდა დავასახელოთ, რომლის სამქულიანებმა რუსთაველთა გამარჯვებაში ლომის წილი დაიდო. თანაც, ცეკვავამ სწორედ იმ დროს ჩააგდო მორიგი სამქულიანი, როცა ანგარიში საყაიმო იყო და მატჩის დასრულებამდე წამებიღა რჩებოდა. იქამდე კი მესამე პერიოდში ერთ-ერთი სათამაშო ეპიზოდისას კალათბურთელებს ნერვებმა უმტყუნა. კვიმსაძე და წივწივაძე შეკამათდნენ, მათ თანაგუნდელები და მწვრთნელები აწყნარებდნენ და თამაში რამდენიმე წუთით შეწყდა. საბოლოოდ, ორივე კალათბურთელი ტექნიკური ჯარიმით დაისაჯა.
გადამწყვეტ მეოთხედში ტუჯანმა ჩემპიონები წინ გაიყვანა - 53:51 და ამის შემდეგ მატჩის მიწურულამდე მასპინძლები მდევრის როლში იყვნენ, მაგრამ ქუთაისელთა საუკეთესო მოთამაშე გიგი ბარბაქაძემ (24ქ. 7მ.) ანგარიშის გათანაბრება მოახერხა - 69:69. გადამწყვეტი ცეკვავას სამქულიანი გამოდგა, რომელზეც ზემოთ ვწერდით. თამაშის დასრულებამდე წამებიღა რჩებოდა და ქუთათურებმა მატჩის გადარჩენა ვეღარ შეძლეს. პირიქით, შეტევით გართულები მაჭავარიანმა კიდევ ერთი სამქულიანით დასაჯა, ბოლო აკორდი კი ლამუს ორქულიანი იყო - 72:77.
ქუთაისი. სპორტის სასახლე.
ქუთაისი 2010-ენერჯი ინვესტი 72:77
17:13, 23:22, 11:16, 21:26
ქუთაისი: კვიმსაძე (17), დიდია (6), ტუკვაძე, ბერიშვილი (11), კოღუაშვილი (4), გ.ბარბაქაძე (24), ცაგარეიშვილი, კვერნაძე, ბოლქვაძე (10), ლომინაშვილი, ქორიძე, მესხი.
რუსთავი: არწივიძე, წივწივაძე (16), ტუჯანი (18), ხმელიძე, ცეკვავა (23), ლამუ (13), აბშილავა, მაჭავარიანი (7), ბერუაშვილი, მებურიშვილი, აბაიშვილი, გუგავა, ხმელიძე.
მსაჯები: ზ. მაჩალაძე, დ. ბერეკაშვილი
