"მედიკოსებმა" მასპინძლებს თავიდანვე დიდი წინააღმდეგობა გაუწიეს და პირველ პერიოდში სამქულიანი სხვაობით (19:16) იმარჯვეს. სტუმართაგან თავიდანვე გიორგი გულისაბედაშვილი და მიხეილ ჭოჭუა გამოირჩეოდნენ. საბოლოოდ გულისაბედაშვილმა "თსსუ"-ს 21 ქულა შესძინა, ჭოჭუამ კი 18 ქულას მოუყარა თავი.
მალხაზ კოხრეიძის შეგირდები 18 ქულით გაიჭრნენ წინ (66:48). ეს უკვე მოგების წინაპირობა იყო, თუმცა... რიონისპირელები ნაადრევად მოეშვნენ, დაღლაც დაეტყოთ და დაისაჯნენ კიდეც. "თსსუმ" "ქუთაისს" 16 უპასუხო ქულა ჩაუგდო და ანგარიში ორ ქულამდე შეამცირა, შემდეგ კი ბექაურმა ანგარიშიც გაათანაბრა -69:69. მატჩის ფინალი დრამატული გამოდგა. მასპინძლებს ნერვიულობა დაეტყოთ და შეცდომებს კიდევ უფრო უმატეს. თამაში ქულა-ქულაში გაგრძელდა, ჯერ სტუმრები დაწინაურდნენ, შემდეგ ისევ გათანაბრდა ანგარიში (74:74). ამასობაში მასპინძლებს გუნდის ერთ-ერთი ლიდერი ბუბა კვიმსაძე დაემტვრათ და მან თამაში ვეღა გააგრძელა. რთული მდგომარეობის მიუხედავად რიონისპირელებმა ძალები მოიკრიბეს, მეტოქის შეცდომებითაც ისარგებლეს და საბოლოოდ მატჩი გამარჯვებამდე მიიყვანეს 81:76. მატჩის ერთდერთი "დაბლ დაბლი" რევაზ დიდიამ შეასრულა (10ქ.10მ.). მატჩის საუკეთესო კალათბურთელი კი გიგი ბარბაქაძე იყო, რომელიც საკუთარ გუნდს 25 ქულითა და 7 მოხსნით შეეწია.
ქუთაისი-სამედიცინო 81:76
16:19, 29:18, 21:23, 15:16
ქუთაისი: ბაბუნაშვილი, დიდია (10ქ, 10მ, 5პ), ბ. ბერიშვილი (17ქ, 5მ, 4ჩ, 3პ), კვიმსაძე (11ქ, 5პ, 3ჩ), ბოლქვაძე (9ქ, 8მ, 4პ, 3ჩ), გ. ბარბაქაძე (25ქ, 7მ, 3პ), კოღუაშვილი (9ქ).
სამედიცინო: გულისაბედაშვილი (21ქ, 8მ, 5პ, 5ჩ), ჩაჩიბაია (7ქ), ს. ლეჟავა, თავართქილაძე (5ქ, 6პ), ბექაური (12ქ, 7მ, 5პ, 2დ), ნინიაშვილი (13ქ, 6მ), ჭოჭუა (18ქ, 6მ, 5პ).
მსაჯები: ზ. მაჩალაძე, გ. მიქელაძე.
კომისარი: ა. კაზანჯიანი.
