10 აგვისტოს, გამთენიისას, საქართველოს ეროვნული ნაკრები სლოვენიიდან დაბრუნდა. იგორ კოკოშკოვის ხელმძღვანელობით, ქართველებმა კურორტ პოდჩეტრტეკის სპორტკოპლექს "ტერმე ოლიმპიაში" ორკვირიანი შეკრება გაიარეს და ორი სპარინგ-მატჩი გამართეს. ბოსნიასთან 5 და 6 აგვისტოს ჩატარებული შეხვედრებისა და სლოვენიური შეკრების შემდეგ ნაკრების თავკაცი ეროვნული გუნდის სამ კანდიდატს დაემშვიდობა.
ნაკრებში თავდაპირველად 18 კანდიდატი გამოიძახეს, რომლებმაც ჯერ თბილისური შეკრება გაიარეს (13-23 ივლისი), შემდეგ კი სლოვენიაში გაემგზავრნენ. სლოვენიიდან თბილისში გამომგზავრების წინ იგორ კოკოშკოვმა დაასახელა ის მოთამაშეები, რომლებიც ნაკრებს დატოვებენ: ნოდარ გოგოძე, გიგა ჯანელიძე და მიხეილ ჭოჭუა.
გოგოძე და ჯანელიძე
მიხეილ ჭოჭუა სტაჟიანი რუსთაველი ფორვარდია, რომელიც ნაკრებში შარშან მოხვდა, მაგრამ ოფიციალურ მატჩებში მონაწილეობა არ მიუღია.
ნაკრები 11 აგვისტოს ორჯერ - დილას და საღამოს, სპორტის სასახლეში ივარჯიშებს. 14-16 აგვისტოს საქართველოს ნაკრები ესტონეთთან, იტალიასა და ლატვიასთან ერთად თბილისის მერიის თასის გათამაშებაში იასპარეზებს.
ეს კი ის 15 მოთამაშეა, რომლებიც ეროვნული ნაკრების შეკრებაზე დარჩნენ.
მომზადებულია www.gbf.ge-ს მიხედვით
