თორნიკე შენგელიას "პეპინსტერმა" ბელგიის ჩემპიონატის ბოლოადგილოსან "გენტს" უმასპინძლა და 83:76 დაამარცხა. ქართველმა ფორვარდმა ეს მატჩიც დამაჯერებლად ჩაატარა. მან 19 წუთში 11 ქულა, 8 მოხსნა და თითო პასი-დაფარება მოაგროვა. თორნიკემ 5-5 ორქულიანი და საჯარიმო ისროლა და მხოლოდ 2 ორქულიანი ააცილა.
პეპინსტერელთა შორის საუკეთესო მარგი ქმედების კოეფიციენტი 24 ქულის ავტორ სტეფონ ჯექსონს ჰქონდა - 31. ამ მაჩვენებლით მეორე იყო შენგელია - 21.
ბელგიის ჩემპიონატის რეგულარული ეტაპის დასრულებამდე 9 ტურით ადრე "პეპინსტერს" 8 მოგება აქვს (15 წაგება) და მეექვსე-მერვე ადგილებს ორ კლუბთან ინაწილებს.
9 აპრილს "პეპინსტერი" "ლეუვენთან" (8 მოგება) სტუმრად ითამაშებს.
.
