როგორ განვითარდა ბითაძის კარიერა NBA-ში? ავტორიტეტული გამოცემა ქართველზე საუბრობს

გოგა ბითაძემ "ინდიანა პეისერსის" შემადგენლობაში მეორე სეზონი დაასრულა. შეიძლება ითქვას, რომ დრაფტიდან მოყოლებული, მან საკმაოდ გრძელი გზა განვლო.

როგორი იყო მისი პირველი წელი NBA-ში? გოგას იმაზე მეტი სირთულის გადალახვა მოუწია, ვიდრე უბრალოდ ახალბედა მოთამაშეებს უწევთ, როცა ისინი NBA-ს გუნდების წევრები ხდებიან. უცხო ქვეყანაში ცხოვრება და ოჯახიდან მოშორებით ყოფნა ხშირად ფსიქოლოგიურ პრობლემებს იწვევს.

როგორ განვითარდა ბითაძის კარიერა?

გოგამ პირველ სეზონში მხოლოდ 54 მატჩში ითამაშა, სანამ NBA-ს სეზონი COVID-19-ის გამო შეჩერდებოდა.

ამ 54 თამაშის განმავლობაში, მან საშუალოდ 3.2 ქულა და 2 მოხსნა დააგროვა. გოგა თამაშიდან 46% სიზუსტით ისროდა, ხოლო სამქულიანებს 19%-ით...

აღსანიშნავია ისიც, რომ ქართველ ცენტრს საშუალოდ მხოლოდ 8.7 წუთი ჰქონდა ნათამაშები და "პეისერსის" ყოფილი მთავარი მწვრთნელის, ნეიტ მაკმილანის აზრით, ეს ნორმალური მოვლენა იყო.

გასულ სეზონში 21 წლის კალათბურთელს, როგორც ჩანს, მეტი ნდობა ჰქონდა და ეს მის თამაშზეც აისახა. ბითაძეს წინა წლის 37 ნაცვლად უკვე 60 დაფარება ჰქონდა.

გოგა პერიმეტრზე თამაშის გაუმჯობესებას მუდმივად ცდილობდა. შეხვედრაში 1.8 სამქულიანი 25%-იანი სიზუსტით საუკეთესო მაჩვენებელი არაა, თუმცა, ნამდვილად უკეთესია, ვიდრე პირველ სეზონში. ხშირად მას სამქულიანის სროლისთვის შესაფერისი მომენტის შერჩევა უჭირდა, თუმცა ეს აუცილებლად გამოსწორდება.

თუკი გოგა მომავალ სეზონში ზუსტი სროლების მაჩვენებლის გაუმჯობესებას მოახერხებს, ეს წინსვლის წინაპირობა იქნება. ყველაფრის მიუხედავად, მისი როლი გასულ სეზონშიც იზრდებოდა და ის თამაშში საშუალოდ 12.5 წუთს უტოლდებოდა. იყო პროგრესი მოხსნების კუთხითაც. ამ სეზონში ბითაძე ბურთს საშუალოდ 3.3-ჯერ ხსნიდა და ჯამში 150 მოხსნაზე ავიდა, როცა სადებიუტო სეზონში 106 მოხსნა ჰქონდა.

გოგა ფარქვეშაც უფრო დამაჯერებლად გამოიყურებოდა. რამდენიმე მატჩში მისთვის პრობლემად პერსონალური ფოლები იქცა, თუმცა ამაზე განსაკუთრებული ყურადღება არ უნდა გამახვილდეს.

მომზადებულია 8points9seconds-ის მიხედვით

ბითაძე "ბოსტონში"?! bleacher Report პოტენციურ გაცვლაზე საუბრობს