იბერიის ნახევარკუნძულზე წარუმატებელად დაიწყო ჩემპიონატი ტორინ გრინისა და მარკიზ ჰეინსის "გრან კანარიამ", რომელმაც მეოთხე ტურში მესამე მატჩი წააგო. ამჯერად კანარელები "მანრესას" სტუმრობდნენ და 9 ქულის სხვაობით დათმეს - 60:69.
ჰეინსი სასტარტო ხუთეულში იყო, 20 წუთში 5 ქულა და 3 პასი მოაგროვა. გრინმა მატჩი სათადარიგოთა სკამიდან დაიწყო, 10 წუთში სამი სამქულიანი ისროლა და მიზანში ერთიც ვერ მოარტყა. მის აქტივში 1 პასია.
მომდევნო ტურში, 30 ოქტომბერს "გრან კანარია" მადრიდის "რეალს" დაუხვდება.
ყოველდღიური სპორტული გაზეთი "ლელო"
