თორნიკე შენგელიამ ბელგიის ჩემპიონატში ბრწყინვალე მატჩი ჩაატარა. "შარლერუა" მორიგი ტურის მატჩში სტუმრად "გენკს" შეხვდა და 75:67 მოიგო, შარლერუარელთა გამარჯვებაში მნიშვნელოვანი წვლილი ახალგაზრდა ქართველმა ფორვარდმა შეიტანა. შენგელია სასტარტო ხუთეულში იყო და მოედანზე 18 წუთი გაატარა. ის ალბათ გაცილებით მეტს ითამაშებდა, რომ არა პერსონალურების ლიმიტი, რის გამოც ქართველმა ფორვარდმა მოედანი ნაადრევად დატოვა. სანამ მოედანზე იყო, შენგელია საკმაოდ სარგებლიანი გახლდათ.
თორნიკემ 10 ცდიდან 6 ორქულიანი ჩააგდო, ხოლო 3 საჯარიმოდან მეტოქის კალათში 1 მოათავსა. შესაბამისად, ქართველმა ფორვარდმა
ამ გამარჯვებამ ისედაც პირველზე მყოფ "შარლერუას" ლიდერობა გაუმყარა. მომდევნო მატჩს ბელგიის პირველობაზე თორნიკეს გუნდი 10 დეკემბერს "ანტვერპენთან" გამართავს.
gbf.ge
