ვიქტორ სანიკიძემ იტალიის ჩემპიონატში მორიგი მატჩი ჩაატარა ეფექტურად: "მონფერატოსთან" "მსუყე" ორმაგი დუბლი მიითვალა - 19 ქულა და 14 მოხსნა. ვიქტორს არც სროლის სიზუსტე დაეწუნებოდა: 6-დან 4 ორქულიანი, 4-დან 2 სამიანი, 9-დან 5 საჯარიმო. გარდა ამისა, 31 წუთში ქართველი ფორვარდის ანგარიშზე 2 დაფარება იყო. მარგი ქმედების კოეფიციენტის მიხედვით კი ვიქტორს მოედანზე ბადალი არ ჰყავდა - 34.
"ვირტუსი"-"მონფერატოს" მატჩის ბოლო მეოთხედში დრამა გათამაშდა. საფინალო სირენამდე 7 წუთით ადრე მონფერატოელები 11 ქულით დაწინაურდნენ (57:46). სწორედ ამის შემდეგ დააბრუნა მწვრთნელმა სანიკიძე მოედანზე და სამ
ეს უკვე გამარჯვებას ნიშნავდა - მას მერე თამაშიდან ქულა არავის ჩაუგდია, მონფერატოელები განზრახ ჯარიმების მიღებაზე გადავიდნენ, თუმცა ვერც ამან უშველა - "ვირტუსმა" 70:62 მოიგო.
* * *
გუშინვე იტალიის ჩემპიონატში ნიკა მეტრეველის "დინამო სასარიმ" სტუმრად "ბიელა" დაამარცხა - 78:73. მეტრეველმა 5 წუთი ითამაშა და მოედანი ქულა-მოხსნის გარეშე დატოვა. გიორგი შერმადინისა და მანუჩარ მარკოიშვილის "კანტუ" ისვენებდა.
ყოველდღიური სპორტული გაზეთი "ლელო"
