თითქმის ერთი თვე გაძლო "ატლანტა ჰოქსმა" საკუთარ მოედანზე დაუმარცხებლად - "ფილიპს არენაზე" ზედიზედ ექვსი მოგებული მატჩის შემდეგ "ქორები" "გრიზლებმა" დატორეს. საშინაოზე რომ არაფერი ვთქვათ, ჯორჯიელებს ბოლო სამი მატჩი სტუმარაც მოგებული ჰქონდათ. "მემფის გრიზლისმა" განსაკუთრებით შედეგიანად მეორე და მესამე პერიოდებში ითამაშა და ამ მონაკვეთში მასპინძლებს 58:26 აჯობა. მეოთხე პერიოდის წინ "ატლანტას" თავკაცმა ლარი დრიუმ კაპიტულაცია გამოაცხადა და ზაზა ფაჩულიას გარდა ყველა სასტარტო დაასვენა. 96:77 სტუმართა სასარგებლოდ.
ფაჩულიას ესპანელი მარკ გასოლის მეურვეობა უწევდა, რაც წლიდან წლამდე მეტად რთული ამოცანა ხდება. ასეა თუ
- მარკ გასოლის წინააღმდეგ ზაზა ფაჩულია თამაშობდა. ქართველმა თავისი საქმე კარგადაც შეასრულა, მაგრამ მხოლოდ ერთი კაცი საკმარისი არ აღმოჩნდა - საჭირო იყო გუნდური მოქმედება. რაც დღეს სერიიოზულ პრობლემაც იქცა.
კომენტარი გააკეთა ზაზა ფაჩულიამაც:
- როცა წინ მარათონული სეზონია, მსგავს ჩავარდნებს თავს ვერ დააღწევ. თუმცა ეს თავის გასამართლებლად არ გამოგვადგება. "ატლანტა" კარგი გუნდია, რომელსაც გადაჯგუფება ყოველ მატჩში უნდა შეეძლოს. დღეს "მემფისი" ჩვენზე ენერგიულად გამოიყურებოდა, ბურთსაც ჭრიდა და ქულებსაც აგროვებდა. სათანადოდ ხელის შეშლა გაგვიჭირდა.
4 თებერვალს "ატლანტა" უშუალო კონკურენტ "ფილადელფიას" მიიღებს. სადღეისოდ ორივე გუნდს 16-16 მოგება აქვს, წაგებების რაოდენობით კი ჯორჯიელები (7 მარცხი) მეტოქეს ერთით უსწრებენ.
ატლანტა-მემფისი 77:96
ზაზა ფაჩულია: 21 წუთი, 7 ქულა (3-დან 3 ორქულიანი, 2-დან 2 საჯარიმო), 2 მოხსნა, 1 პასი, 1 შეცდომა, 3 ფოლი.
ყოველდღიური სპორტული გაზეთი "ლელო"
