სწორი გადაწყვეტილება მიიღო საქართველოს ნაკრების ნატურალიზებულმა უკანახაზელმა ტორინ გრინმა: ესპანური "გრან კანარიიდან" თურქულ "თოფაზში" გადავიდა. შესაძლოა, ამ სიტყვებმა გაგაკვირვოთ - ესპანეთს თურქეთი როგორ სჯობდაო. საქმე ისაა, რომ ტორინს მიმდინარე სეზონში "გრან კანარიაში" დრო მეტად შეზღუდული ჰქონდა, საშუალოდ 15 წუთს თამაშობდა.
არადა, წინა სეზონში გრინი კუნძულელთა ლიდერი იყო და არაერთ ეფექტურ მატჩს შორის მადრიდის "რეალთან" დაპირისპირების გამორჩევა შეიძლება, რომელიც "კანარიამ" გრინის მიერ ჩაგდებული შორეული სამქულიანით მოიგო. მაისის დასაწყისში ტორინმა ფეხის ცერი მოიტეხა და მას მერე მწვრთნელის ნდობა ვერ დაიბრუნა.
ბურსას "თოფაზი"
ბოლოს იმასაც შეგახსენებთ, რომ ტორინ გრინი საქართველოს ნაკრებში მოხვედრის პრეტენდენტად კვლავ განიხილება. ამის შესახებ მთავარმა მწვრთნელმა იგორ კოკოშკოვმა დეკემბერში, თბილისში ორდღიანი ვიზიტისას გვითხრა.
ყოველდღიური სპორტული გაზეთი "ლელო"
