ლოს ანჯელესში, "ლეიკერსთან" მატჩში, ზაზა ფაჩულიამ მიმდინარე სეზონის პირადი რეკორდი დაამყარა. ქართველმა ცენტრმა ლოსანჯელესელებს ბურთი 4-ჯერ ჩაუჭრა და ეს მატჩის საუკეთესო შედეგი გახლდათ. ფაჩულიას საუკეთესო შედეგი აქამდე 3 ჩაჭრა იყო, რომელიც მან 6 თებერვალს, "ფინიქსთან" მატჩში მოაგროვა.
რაც შეეხება მატჩს, ფაჩულიას გუნდმა წააგო. "ატლანტა ჰოუქსი" პირველ ტაიმში ტოლსწორად ებრძოდა მასპინძლებს, თუმცა მესამე მეოთხედი ჩააგდო და დარჩენილ დროში ვითარება ვეღარ გამოასწორა. "ლეიკერსმა" საბოლოოდ 8 ქულის სხვაობით - 86:78 გაიმარჯვა.
ფაჩულია ტრადიციულად სასტარტო ხუთეულში იყო და მოედანზე 27,23 წუთი გაატარა. ქართველმა ცენტრმა
"ატლანტას" სადღეისო მონაგარი 18 მოგება და 11 მარცხია. ანალოგიური შედეგი აქვს "ორლანდოსაც" და ეს გუნდები აღმოსავლეთ კონფერენციაში IV-V ადგილებს იყოფენ. მომდევნო მატჩი ატლანტელებს ფინიქსში, ხვალ, გამთენიისას ელით.
gbf.ge
