"ატლანტა ჰოქსმა" პლეი ოფი ზაზა ფაჩულიასა და ელ ჰორფორდის გარეშე დაიწყო. პირველი მატჩი შინ ჩაატარა და "ბოსტონი" 83:74 დაამარცხა. ატლანტელებთან ერთად, ქართველი ცენტრის ჯანმრთელობის მდგომარეობა ბოსტონელებსაც ძალიან აინტერესებთ. 30 აპრილს მათ ჰორფორდსა და ფაჩულიას არაერთი მცირე სტატია მიუძღვნეს. აი, რა წერია "ბოსტონ ჰერალდში":
"ზაზა ფაჩულია, რომელიც 2008 წელს ცნობადი სახე კევინ გარნეტთან ჩხუბის შემდეგ გახდა, "ბოსტონის" წინააღმდეგ "ატლანტას" ვერ ეხმარება - მარცხენა ფეხი აწუხებს. კვირის მატჩში ასევე არ უთამაშია კიდევ ერთ მეფარე ელ ჰორფორდს.
- ჰორფორდისა და ფაჩულიას გარეშე არაერთი
ზემოთ ნახსენები ორი კალათბურთელიდან უფრო ადრე ზაზას დაბრუნებას ელიან. მას 13 აპრილის შემდეგ აღარ უთამაშია.
- კითხვაზე: როდის გავალ მოედანზე, ზუსტი პასუხი არ მაქვს. ვიმედოვნებ, რომ მოლოდინი მალე დასრულდება და გუნდს უახლოეს მატჩებში დავეხმარები. თუმცა დროს ვერ გავასწრებ. თუ ტრავმა არ მოშუშდა, მოედანზე ვერ გავალ, - ამბობს ფაჩულია, რომელიც ვარჯიშისას სატრენაჟორო ველოსიპედზე მუშაობდა.
იგი პლეი ოფის შესახებაც ლაპარაკობს:
- NBA-ში მეცხრე სეზონს ვატარებ. ბოლო წლებში პლეი ოფში რეგულარულად ვთამაშობ და ამ მოვლენას ყოველთვის დიდი იმედებით ველი.
ნამდვილი კალათბურთი ხომ პლეი ოფში იწყება, სხვა ატმოსფეროა... მეჯავრება ასეთი სიტუაცია - ჩემი გუნდი პლეი ოფს თამაშობს, მე ვერ ვეხმარები; მით უმეტეს, როცა პირველ ეტაპზე მეტოქედ "ბოსტონ სელტიქსი" გვყავს".
"ატლანტა" "კელტებთან" მომდევნო მატჩსაც შინ ჩაატარებს (1 მაისს).
ყოველდღიური სპორტული გაზეთი "ლელო"
