ქება "ატლანტას"! ამ გუნდს ძირითადი ხუთეულის 3 მოთამაშე აკლდა, პლუს მანამდე კარგა ხნით ადრე დაშავებული ლიდერი ალ ჰორფორდიც არ იყო და მიუხედავად ამისა ბოსტონში, სრული საბრძოლო შემადგენლობით მოთამაშე "სელტიქსთან" საქმე დამატებით დრომდე მიიყვანა.ბოსტონელებს დაუბრუნდათ დისკვალიფიცირებული გენიოსი რაჯონ რონდო, ასევე ტრავმირებული რეი ალენიც მწყობრში ჩადგა და გუნდმა, რომელიც ამავე შემადგენლობით რამდენჯერმე გახდა NBA-ს ჩემპიონი, საკუთარ მოედანზე რის ვაი-ვაგლახითა და გაჭირვებით, დამატებით დროში სძლია განახევრებულ "ატლანტას".
ტრავმირებულ ჰორჰორდსა და ფაჩულიას გუნდის ხერხემალი ჯოშ სმიტიც შეემატა, რომლის ადგილიც ხუთეულში მარვინ უილიამსმა დაიკავა.
მატჩის ძირითადი დრო ფრედ, 80:80 დასრულდა. მიუხედავად იმისა, ორმ ატლანტელები მატჩის ზირითადი დროის დასრულებამდე 7 წუთით ადრე 10 წულით აგებდნენ, გათანაბრება მოახერხეს. ოვერტაიმში კი გატყდა "ატლანტა" - 84:90 დამარცხდა და "ბოსტონი" სერიაში 2:1 დაწინაურდა.
ზაზა ფაჩულიას მოედანზე დაბრუნებას სერიის მე-5 მატჩისთვის ვარაუდობენ. მეხუთე შეხვედრა რომ გაიმართოს, "ატლანტამ" სერიაში კიდევ 1 მატჩი აუცილებლად უნდა მოიგოს.
gbf.ge
