თორნიკე შენგელიას "შარლეუამ" ბელგიის ჩემპიონატის რეგულარული ეტაპი მინორულ ნოტაზე დაასრულა - შინ "ოოსტენდესთან" 63:68 დამარცხდა. შარლერუელებმა პირველი ნახევარი დამაჯერებლად ჩაატარეს, ხელიდან არც ინიციატივა გაუშვიათ და ანგარიშიც მიჰყავდათ. მეორე ტაიმიდან კი "ოოსტენდეს" კალათბურთელებმა თამაში შემოატრიალეს და საფინალო სირენას ხუთქულიანი უპირატესობით შეხვდნენ.
ქართველმა თავდამსხმელმა 15 წუთი ითამაშა, 7 ქულა და 3 მოხსნა მოაგროვა. მის ანგარიშზე 2-დან 1 ორქულიანი, 1-დან 1 სამიანი და 2-დან 2 საჯარიმოა.
შარლერუელთაგან 15 ქულით ბროილსი გამოირჩა. "ოოსტენდეს" შემადგენლობაში კი ითამაშა ჩვენთვის კარგად ნაცნობმა ბელგიის ნაკრების უკანახაზელმა დიმიტრი ლაუერსმა,
"შარლერუამ" და "ოოსტენდემ" პირველ-მეორე ადგილები გაიყვეს და დამატებითი ეტაპის გავლა აღარ მოუწევთ. ბელგიის პირველობაზე რეგულარულის შემდეგ იმართება დამატებითი საკვალიფიკაციო, რომელშიც მესამე-მეექვსე ადგილებზე გასული გუნდები თამაშობენ. მათ შორის საუკეთესო დუეტი ნახევარფინალში "შარლერუასა" და "ოოსტენდეს" "დაეჭიდება".
"თორნიკემ რეგულარული 7-ით დაასრულა, შარლერუამ -5-ით" (იბეჭდება მცირე ცვლილებით)
ყოველდღიური სპორტული გაზეთი "ლელო"
