5 ივნისს, ღამით, ბელგიის ჩემპიონატის ფინალური სერიის მეოთხე მატჩში თორნიკე შენგელიას "შარლერუამ" "ოოსტენდეს" უმასპინძლა და კინაღამ ჩემპიონობა დაუთმო. კარგად ჩატარებული პირველი წუთების შემდეგ ქართველის გუნდმა 11-ქულიანი უპირატესობა გაანიავა და მეოთხე პერიოდის წინ "ოოსტენდე" 53:48 დაწინაურდა.
ამ შეხვედრამდე სერიას სწორედ ოოსტენდელები იგებდნენ (2:1) და შარლერუაში წარმატების შემთხვევაში ჩემპიონისთვის განკუთვნილ თასსაც აღმართავდნენ (ბელგიაში ფინალი სამ მოგებამდეა). ეს კარგად ესმოდათ მასპინძლებსაც, რომელთა მწვრთნელმა თორნიკე მეოთხე პერიოდისთვის შემოინახა.
ახალგაზრდა ქართველმაც იმედები არ გაუცრუა - გადამწყვეტ მომენტში მოედანზე საუკეთესო იყო. თავად განსაჯეთ: თუ საწყის 30
ბოლო წუთზე, ანგარიშზე 66:62, მან ორქულიანით ანგარიშში სხვაობა 6 ქულამდე (68:62) გაზარდა, რაც ფაქტობრივად, გამარჯვების ტოლფასი იყო. საბოლოოდ 70:65 "შარლერუას" სასარგებლოდ.
შენგელიას სრულ მონაგარზე არაფერი გვითქვამს. მას ორმაგ დუბლამდე ერთი მოხსნა დააკლდა - 16 წუთში 10 ქულა, 9 მოხსნა, 1 ჩაჭრა, 1 პასი. მასპინძელთაგან თორნიკეზე მეტი მხოლოდ დემონდ მალეტმა ჩააგდო - 14 ქულა.
სერიის გადამწყვეტი მატჩი 7 ივნისს ოოსტენდეში გაიმართება. შეხვედრის გამარჯვებული ჩემპიონად გამოცხადდება.
ასევე იხილეთ:
იგორ კოკოშკოვი თორნიკე შენგელიას წინასადრაფტოდ გაწვრთნის
ყოველდღიური სპორტული გაზეთი "ლელო"
