მსოფლიოში განთქმული საკალათბურთო ტალანტების კემპი 11 ივნისს იტალიის ქალაქ ტრევიზოში დაიწყო. პირველსავე დღეს ერთმანეთს ქართველი კალათბურთელების გუნდები დაუპირისპირდნენ. ერთმანეთის წინაშე თორნიკე შენგელია და ნიკა მეტრეველი წარსდგნენ.
შენგელია მე-4 ნომრის მქონე გუნდში მოხვდა, რომელმაც პირველ გუნდს, სადაც მეტრეველიც ირიცხებოდა, 73:60 სძლია. ქართველთაგან სასტარტო ხუთეულში არცერთი ყოფილა. თორნიკემ მოედანზე 20 წუთი გაატარა და სათადარიგოთა სკამზე 5 პერსონალური ფოლის მიღების შემდეგ გადაინაცვლა.
შენგელიამ 7-იდან 3 ორქულიანი და 5-იდან 3 საჯარიმო ჩააგდო და 9 ქულას 5 მოხსნა, 1 ჩაჭრა და 1 პასი წაამატა, ბურთი
რაც შეეხება მეტრეველს, მან 13 წუთში 2-იდან 1 ორქულიანი ჩააგდო, 1 ჯარიმა მიიღო და მის წინააღმდეგაც თამაშის წესები ამდენჯერვე დაირღვა.
11 ივნისს გამართული მატჩებიდან საუკეთესო კალათბურთელები შეირჩნენ და დღის ბოლოს რუსეთის ახალგაზრდულ ნაკრებთან მატჩში 70:45 იმარჯვეს. საუკეთესოთა კრებულში ქართველი კალათბურთელები ვერ მოხვდნენ.
ტრევიზოს კემპი კიდევ 2 დღეს გაგრძელდება და 12 ივნისს დასრულდება.
gbf.ge
