ევროთასის ოფიციალურ საიტზე გამოქვეყნდა ჩვენთვის საინტერესო ინფორმაცია - პოლონეთის უმაღლესი ლიგის გუნდ "სოპოტთან" კონტრაქტი გააფორმა ლაშა გამყრელიძემ. იგი გასულ სეზონში თბილისის "ოლიმპში" გამოდიოდა, სხვადასხვა დროს კი გერმანიასა და ავსტრიაში უთამაშია.
პოლონეთის ჩემპიონატის პარალელურად, "სოპოტი" კარსმომდგარ სეზონში ევროთასზე ითამაშებს. იმასაც შეგახსენებთ, რომ სწორედ ამ გუნდში 2010 წელს გიორგი ცინცაძე ირჯებოდა.
ყოველდღიური სპორტული გაზეთი "ლელო"
