224 სმ სიმაღლის ქართველმა ცენტრმა სერგო ათუაშვილმა (1985 წელსაა დაბადებული) ლიტვის წლევანდელ ჩემპიონატში სადებიუტო მატჩი ჩაატარა. მისმა "ნაგლისმა" პალანგაში ლიტვური გრანდი "ჟალგირისი" მიიღო და სენსაცია ვერ "გამოაცხო" - 59:101 დამარცხდა.ქართველმა ცენტრმა შეხვედრა სასტარტო ხუთეულში 11-ნომრიანი მაისურით დაიწყო და 29 წუთი ითამაშა. დროის ამ მონაკვეთში სერგომ ნაყოფიერად იშრომა: 5 ქულა, 6 მოხსნა, 4 პასი, 1 ჩაჭრა და ამდენივე დაფარება მიითვალა.
ლიტვის ჩემპიონატის მეორე ტური შაბათს გაიმართება, თუმცა "ნაგლისი" ერთი დღით ადრე, 28-ში, სტუმრად "რუდუპისთან" ითამაშებს.
ყოველდღიური სპორტული გაზეთი "ლელო"
