ევროლიგის მეორე ტურის ორ მატჩში სამმა ქართველმა ითამაშა. ისრაელში გიორგი შერმადინის "მაქაბიმ" ვიქტორ სანიკიძის "მონტეპასკის" უმასპინძლა და 70:68 დაამარცხა. ვიქტორი გადამწყვეტ მომენტში მოედანზე იყო, საბოლოოდ კი 20 წუთში 7 ქულა და 12 მოხსნა მოაგროვა. მისი მოწინააღმდეგე შერმადინი სასტარტო ხუთეულში გამოჩნდა, 10 წუთი ითამაშა, 4 ქულა (2-დან 2 ორქულიანი) და თითო მოხსნა-პასი გაიფორმა.
"პანათინაიკოსთან" ორი ქულის სხვაობით დამარცხდა მანუჩარ მარკოიშვილის "კანტუ" 76:78.
ქართველმა უკანახაზელმა შეხვედრა საოცრად დაიწყო, 12 წუთში 14 ქულა ჰქონდა. მანუჩარი საფინალო სირენამდე 4 წამით ადრე საჯარიმოში შეიჭრა და
მანუ 17 ქულით მატჩის ბომბარდირი გახდა. გარდა ამისა, 29 წუთში მის ანგარიშზე 3 პასი და 1 მოხსნა იყო.
ყოველდღიური სპორტული გაზეთი "ლელო"
