მორიგი საგამოფენო მატჩები გამართეს ზაზა ფაჩულიას და თორნიკე შენგელიას გუნდებმა. "ატლანტა" ჰოუქსმა "ნიუ ორლეანს" უმასპინძლა და 97:68 იმარჯვა, ხოლო შენგელიას "ბრუკლინი" შინ "ბოსტონთან" 85:115 დამარცხდა.წინა ორ მატჩში სასტარტოში ყოფნის შემდეგ სათადარიგო იყო ზაზა ფაჩულია. ქართველმა ცენტრმა 17 წუთი ითამაშა და მოედანი 6 ქულით, 4 მოხსნითა და 1 შედეგიანი გადაცემით დატოვა. ზაზამ 7-დან 2 ორქულიანი და 3-დან 2 საჯარიმო ჩააგდო, ხუთეულში მის პოზიციაზე მყოფმა ალ ჰორფორდმა კი ორმაგი დუბლი შეასრულა - 10 ქულა, 11 მოხსნა.
მომდევნო მატჩს "ატლანტა" 26 ოქტომბერს
ბრწყინვალე დებიუტის შემდეგ უშედეგო მატჩი ჩაატარა თორნიკე შენგელიამ. მისმა "ბრუკლინმა" 17 ოქტომბერს სტუმრად "ბოსტონი" ქულით დაამარცხა, 19 ოქტომბერს გამთენიისას კი შინაურ კედლებში "სელტიქსთან" 85:115 წააგო.
შენგელია სათადარიგო იყო და 10 წუთი ითამაშა. ქართველმა ფორვარდმა 3 სროლა (2 ორულიანი) და 2 საჯარიმო ააცილა. შენგელიამ მოედანი 2 პასით და 1 ჩაჭრით დატოვა.
მომდევნო საგამოფენო შეხვედრა შენგელიას გუნდს 20 ოქტომბერს, გამთენიისას, შინ "ფილადელფიასთან" აქვს.
gbf.ge
