საქართველოს ნაკრების ყოფილი უკანახაზელი ტაირონ ელისი კალათბურთიდან წავიდა. იგი გასულ სეზონში ესპანური "ალიკანტეს" ღირსებას იცავდა, თუმცა გაზაფხულზე ფეხის ტრავმა მიიღო და ექიმებმა დასვენება ამა წლის სექტემბრამდე ურჩიეს.
დაზიანება სერიოზული აღმოჩნდა. ტაირონმა მოცდას თქმა ამჯობინა - ტრავმის შემდეგ ფორმის აღდგენისთვის დიდი დრო დამჭირდება; ისეთ ასაკში არ ვარ, ბევრი ვიცადო, უმჯობესია, სპორტული ფეხსაცმელი ლურსმანს მივაბაროო.
"უკვე ოფიციალურად შემიძლია განვაცხადო - პროფესიული კალათბურთიდან წავედი. ღმერთმა მომცა საშუალება, უმაღლეს დონეზე 11 წელი მეთამაშა. საკუთარი კარიერით კმაყოფილი ვარ.
მწვრთნელობას ვაპირებ: "ოკლაჰომას" მეორე მწვრთნელმა NBA-ს განვითარების
იგი 2006 წელს საქართველოს ნაკრებში გორდონ ჰერბერტმა ჩამოიყვანა. ნატურალიზებულთა შორის ჩვენი ნაკრების მაისურით ყველაზე მეტი სწორედ ტაირონს აქვს ნათამაშები - "ჯვაროსანთა" ღირსებას სამი წლის განმავლობაში იცავდა (18 მატჩი).
2009 წელს A დივიზიონში გადასვლაში ელისმა დიდი წვლილი შეიტანა.
ელისი საქართველოს ნაკრების რეკორდსმენია რეალიზებულ შორეულ ტყორცნებში. მის ანგარიშზე 63 სამქულიანია.
ტაირონ ელისი
დაიბადა: 5.10.1977
სიმაღლე: 196 სმ
ამპლუა: უკანახაზელი
კარიერა
2001-02 ჰანსტვილი (აშშ)
2002-03 ხირონა (ესპანეთი)
2003-05 ფრანკფურტი (გერმანია)
2005-06 ბეშიქთაში (თურქეთი)
2006-07 ნაპოლი (იტალია)
2007-10 კახასოლი (ესპანეთი)
2010-11 ესტუდიანტესი (ესპანეთი)
2011-12 ალიკანტე (ესპანეთი)
ყოველდღიური სპორტული გაზეთი "ლელო"
