გასულ კვირას ვიქტორ სანიკიძის "მონტეპასკიმ" ევროლიგაზე სეზონის პირველი გამარჯვება მოიპოვა, ზაზა ფაჩულიამ NBA-ს ახალი სეზონი ეფექტურად გახსნა, მანუჩარ მარკოიშვილმა "რეალის" წინააღმდეგ ითამაშა. ყველაზე მთავარი მაინც უკრაინული ამბები იყო. რატომ? ამ კითხვაზე პასუხს ქვემოთ წაიკითხავთ.
უკრაინა
სუპერლიგაში ერთმანეთზე უკეთესი მეტოქეები ჰყავდა გიორგი ცინცაძის "ბუდიველნიკს" - "აზოვმაში" და "დონეცკი".
პირველში ლინ გრირი თამაშობს, მეორეში დორონ პერკინსი. როცა საქართველოს ნაკრებისთვის ამერიკელებს არჩევდნენ, ევროლიგაში გამოცდილ კალათბურთელებზე მსჯელობდნენ. მაგალითად, შარშან ფედერაციიდან დორონ პერკინსს დაუკავშირდნენ, მაგრამ უარი მიიღეს.
პერკინსზე არანაკლებ გამოცდილია გრირი, მაგრამ იცით, რა ბედი
გიორგი (აუცილებლად გადახედეთ მის მონაგარს) მათზე სწრაფადაც გამოიყურებოდა, მათზე გამოცდილიც ჩანდა და კიდევ ერთხელ დაგვარწმუნა, რომ საქართველოს ნაკრებში იგი პირველი გამთამაშებელია.
ცინცაძის "ბუდიველნიკმა" "დონეცკი" 21 ქულის სხვაობით დაამარცხა, ხოლო "აზოვმაში" - 20 ქულით.
იტალია
აპენინებზე ტურის ცენტრალური მატჩი 5 ნოემბერს გვიან ღამით დასრულდა. "მონტეპასკისა" და "მილანის" დაპირისპირების შედეგსა და ვიქტორ სანიკიძის მონაგარს ცხრილში წაიკითხავთ. აქ ერთს დავამატებთ:
პარასკევს ვიქტორმა ევროლიგაზე "შალონთან" მატჩი ენერგიულად ჩაატარა, თუმცა მეოთხე პერიოდში მოედანზე არ გამოჩენილა. იგი თამაშის შემდეგ ცოტას კოჭლობდა. იმედია, კოჭის ტრავმა სერიოზული არ აღმოჩნდება.
მანუჩარ მარკოიშვილის "კანტუ" ევროლიგაზე მადრიდის "რეალის" წინააღმდეგობის გატეხვას ეცადა, მაგრამ არაფერი გამოუვიდა. მწვრთნელმა არც მანუჩარი ათამაშა მეოთხე პერიოდში, რაც იმის ნიშანი უნდა ყოფილიყო, რომ წაგებას ნაადრევად შეეგუა და მანუ "აველინოსთან" მატჩისთვის შემოინახა.
იტალიის ჩემპიონატში აველინოელები ლომბარდიელებმა 79:67 დაამარცხეს. მარკოიშვილმა 4-დან 2 სამქულიანი ჩააგდო, ორქულიანი კი ბევრი აუცდა - 6-დან 1 გამოიყენა.
5 პასი მანუსთვის ამ სეზონის რეკორდია. იტალიაში მისი საუკეთესო მაჩვენებელი კი 6 შედეგიანი გადაცემაა - 2010 წელს "მონტეპასკისთან" შეასრულა.
საინტერესოა, რომ "აველინოში" ითამაშა ჯერემი რიჩარდსონმა, რომელიც გასულ სეზონში თბილისის "არმიას" ღირსებას იცავდა.
ჯერემიმ მატჩი 14 ქულითა და 6 მოხსნით დაასრულა. სხვათა შორის, იგი იტალიის ჩემპიონატის ბომბარდირთა დავაში მეხუთეა, საშუალოდ 16.3 ქულას აგროვებს.
5 ნოემბერს გავრცელდა ინფორმაცია, რომლის თანახმად, "ნიუ ჯერსისა" და "არმიას" ყოფილმა კალათბურთელმა სანდიატა გეინსმა შესაძლოა მარკოიშვილის გვერდით ითამაშოს. პლეიმეიქერი ჯერი სმიტის ტრავმის გამო კანტუელები გამოცდილი გამთამაშებლის აყვანას აპირებენ.
ისრაელი
გიორგი შერმადინს ჰაიფას "მაქაბისთან" მატჩში ორმაგ დუბლამდე ორი მოხსნა დააკლდა. მისი მონაგარი ასე გამოიყურებოდა: 22 წუთში 11 ქულა, 8 მოხსნა, 1 პასი, 1 ჩაჭრა, 1 დაფარება. გიორგიმ 6-დან 5 ორქულიანი და 1-დან 1 საჯარიმო გამოიყენა.
თელ-ავივის "მაქაბიმ" კი ჰაიფელი სეხნია იოლად დაამარცხა - 87:67.
ამავე ტურში თავი გამოიჩინა საქართველოს ნაკრების უკანახაზელმა ჯეიკობ პულენმა. მან აშდოდის "მაქაბის" ძლევაში 21-ქულიანი წვლილი შეიტანა. მისმა "ჰაპოელმა" 90:71 იმარჯვა.
ესპანეთი
18 წლის ბექა ბურჯანაძისთვის იდეალური გუნდია სევილიის "კახასოლი" - მიმდინარე ჩემპიონატში მაღალ მიზნებს არ ისახავს და ახალგაზრდა ქართველსაც ესპანეთის უმაღლესი დონის ჩემპიონატში თავის გამოჩენის საშუალება ეძლევა.
ბოლო ტურში მისმა "კახასოლმა" შინ "ვალენსიასთან" დათმო. ბექამ 10 წუთი ითამაშა, 2-დან 2 ორქულიანი, 3-დან 1 საჯარიმო გამოიყენა და 5 ქულას თითო მოხსნა-პასი მიამატა.
ირანი
გასულ კვირას სპარსეთის ჩემპიონატიც დაიწყო. ნიკა ცქიტიშვილმა "მაჰანში" პირველი შეხვედრა ჩაატარა, თუმცა ეფექტური სტატისტიკით ვერ გამოირჩა.
ამავე ქვეყანაში თამაშობს სერგო ათუაშვილი. იგი "ეშტეღლალის" ღირსებას იცავს.
| მოთამაშე | გუნდი | თარიღი | შეჯიბრება | VS | ანგარიში | წუთი | ქულა | მოხსნა | პასი | ჩაჭრა | დაფარება |
| ზაზა ფაჩულია |
ატლანტა (NBA) |
02.11 | NBA | VS ჰიუსტონი |
102:109 | 22 | 13 |
8 |
7 |
0 |
0 |
| 04.11 | NBA | ოკლაჰომა VS | 95:104 | 28 | 6 | 6 | 6 | 1 | 0 | ||
| თორნიკე შენგელია |
ბრუკლინი (NBA) | 03.11 | NBA | VS ტორონტო | 107:100 | არ უთამაშია | |||||
| მანუჩარ მარკოიშვილი |
კანტუ (იტ) |
01.11 |
ევროლიგა |
რეალი (ესპ) VS | 80:66 | 15 | 5 | 1 | 0 | 1 | 0 |
| 04.11 |
იტალიის ჩემპ. | VS აველინო | 79:67 | 28 | 8 | 2 | 5 | 1 | 0 | ||
| ვიქტორ სანიკიძე | მონტეპასკი (იტ) |
02.11 |
ევროლიგა |
VS შალონი (საფ) | 93:90 | 17 | 4 | 3 | 1 | 0 | 0 |
| 05.11 | იტალიის ჩემპ. | VS მილანი | 66:71 | 23 | 9 | 9 | 2 | 2 | 1 | ||
| გიორგი შერმადინი | მაქაბი (ისრ) |
01.11 | ევროლიგა |
VS პროკომი (პოლ) |
93:62 |
13 | 11 | 5 | 0 | 0 | 1 |
| 04.11 | ისრაელის ჩემპ. |
VS მაქაბი (ჰაიფა) | 87:67 | 22 | 11 | 8 | 1 | 1 | 1 | ||
| გიორგი ცინცაძე |
ბუდიველნიკი (უკრ) | 31.10 |
უკრაინის ჩემპ. |
VS დონეცკი |
81:60 | 32 | 9 | 4 | 7 | 3 | 0 |
| 02.11 | უკრაინის ჩემპ. |
VS აზოვმაში |
90:70 | 36 | 22 | 7 | 8 | 2 | 0 | ||
| ბექა ბურჯანაძე |
კახასოლი (ესპ) | 03.11 | ესპანეთის ჩემპ. | VS ვალენსია |
73:82 | 9 | 5 | 1 | 1 | 0 | 0 |
| ჯეიკობ პულენი |
ჰაპოელი (ისრ) | 04.11 | ისრაელის ჩემპ. | VS აშდოდი | 90:71 | 26 | 21 | 0 | 2 | 0 | 0 |
| ნიკა ცქიტიშვილი | მაჰანი (ირანი) | 01.11 | ირანის ჩემპ. | VS ზანჯანი |
57:54 | 21 | 3 | 1 | 1 | 1 | 0 |
ყოველდღიური სპორტული გაზეთი "ლელო"
