"ატლანტა ჰოუქსის" მწვრთნელი დრიუ გუდენი ექსპერიმენტებს განაგრძობს. ერთმატჩიანი შესვენების შემდეგ მან სასტარტო ხუთეულში დააბრუნა ზაზა ფაჩულია. თავიდანვე იყო მოედანზე ატლანტელთა ცენტრი ალ ჰორფორდიც, რაც იმას ნიშნავს, რომ მწვრთნელი 2 ცენტრით თამაშის გზებს ეძებს.
სამწუხაროდ, "კლიპერსთან" მატჩში ამან არ გაამართლა. ატლანტელები ლოს ანჯელესში 76:89 დამარცხდნენ.
ფაჩულია ზედიზედ მეორე მატჩია, სამქულიანს ესვრის, რაც სავარაუდოდ იმის გამოა, რომ მწვრთნელი მას ფორვარდად ათამაშებს, ჰორფორდს კი - ცენტრის პოზიციაზე. ზაზამ სამქულიანი ააცილა, ხოლო საშუალო დისტანციიდან 5-დან 2 ჩააგდო, რასაც 2-დან 1 საჯარიმო მოაყოლა და საბოლოოდ
ატლანტელებს 5 მატჩიდან 2 გამარჯვება აქვთ და ამ შედეგით აღმოსავლეთ კონფერენციაში მე-10 ადგილზე იმყოფებიან. 5-დან 3 გამარჯვებით მე-5 ადგილზეა თორნიკე შენგელიას "ბრუკლინი", რომელმაც "ორლანდოს" უმასპინძლა და 82:74 დაამარცხა. ქართველი ფორვარდი სათადარიგო იყო და მოედანზე არ გამოჩენილა.
მომდევნო შეხვედრას "ბრუკლინი" 13 ნოემბერს შინ "კლივლენდთან" გამართავს, ხოლო ფაჩულიას "ატლანტა" 13 ნოემბერს, გამთენიისას, პორტლენდში "ბლეიზერსს" დაუპირისპირდება.
www.gbf.ge
