მანუჩარ მარკოიშვილის "კანტუმ" ბერძნულ "პანათინაიკოსს" უმასპინძლა და 2 ქულის სხვაობით დამარცხდა - 69:71. მანუს მეოთხე პერიოდამდე 2 ქულა ჰქონდა, თუმცა მატჩის ბოლოს სამქულიანი ჩააგდო და "კანტუ" 66:60 დააწინაურა.
თითქოს, "მწვანეები" "ლურჯების" შემჩერებლები აღარ ჩანდნენ, მაგრამ სტუმრებმა ერთმანეთის მიყოლებით ორი სამქულიანი ჩააგდეს და ბოლო წამებამდე თამაში ქულა-ქულაში წარიმართა.
უკანასკნელ წამზე გადამწყვეტი ტყორცნა ბელგიელმა ჯონათან ტაბუმ შეასრულა, რომელმაც სამქულიანით თამაშის მოგება სცადა, მაგრამ მიზანს ააცილა და ტაბლოზე "პანათინაიკოსის" სასურველი ანგარიში დარჩა - 71:69.
მანუჩარმა 29 წუთში 5 ქულა (6-დან
ბერძნებთან წაგების გამო "კანტუმ" მომდევნო ეტაპზე გასვლის საქმე გაირთულა. მას 2 მოგება აქვს და ამდენივე გამარჯვებით ჩამორჩება მეოთხე ადგილზე მყოფ "პანათინაიკოსს".
ტოპ-16-ში სწორედ საუკეთესო კვარტეტი გადის.
* * *
იტალიაშივე, ოღონდ სამხრეთით, სიენაში, ქართული დუელი შედგა. "მონტეპასკი"-"მაქაბის" შეხვედრაში სასტარტო ხუთეულში იყო ვიქტორ სანიკიძე, რომელმაც 18 წუთში 2 ქულა (2-დან 1 ორქულიანი), 3 მოხსნა და 2 ჩაჭრა გაიფორმა.
მაქაბელ გიორგი შერმადინს გაცილებით მცირე დრო ერგო: 3 წუთში 2 ქულა (2-დან 1 ორქულიანი), 1 მოხსნა.
ქართველები მოედანზე ერთმანეთს არ შეხვედრიან, სხვადასხვა დროს ითამაშეს.
სიენელებმა პირველ მეოთხედში დიდი სამუშაო გასწიეს და "მაქაბის" სწრაფი, აგრესიული თამაში გაანეიტრალეს. სანიკიძეს ელიაჰუს მეურვეობა უწევდა.
სხვა მატჩებისგან განსხვავებით თელავიველებმა პირველივე ტაიმში ვერ მოახერხეს დიდი უპირატესობის დაბევება. შეხვედრა თანაბარ ბრძოლაში წარიმართა და საბოლოოდ "მონტეპასკის" ორქულიანი გამარჯვებით დასრულდა - 89:87.
ამ ორ გუნდს ჯგუფში ისეთი მეტოქეები ჰყავთ ("პროკომი" და "შალონი"), რომ საუკეთესო ოთხეულში მოხვედრა არ უნდა გაუჭირდეთ. "მაქაბის" 5 გამარჯვება აქვს, ხოლო "მონტეპასკის" - 4.
ყოველდღიური სპორტული გაზეთი "ლელო"
