ევროთასის ტოპ-16-ში პირველი მატჩი გამარჯვებით დაასრულა გიორგი ცინცაძის "ბუდიველნიკმა". კიეველებმა თურქულ "ბანვიტს" 76:69 სძლიეს. გადამწყვეტ მომენტში გიორგი მოედანზე იყო და გამარჯვებაში დიდი წვლილი შეიტანა. თავად განსაჯეთ: საფინალო სირენამდე 34 წამი რჩებოდა, როცა მან სამქულიანი ჩააგდო და თანაგუნდელთა უპირატესობა 5 ქულამდე გაზარდა - 74:69.
ცინცაძის სრული მონაგარი ასეთი იყო: 26 წუთი, 12 ქულა, 4 პასი, 2 მოხსნა.
ამავე ტურში ბექა ბურჯანაძის "კახასოლმა" სტუმრად პოლონურ "ზიელონა გორასთან" დათმო - 67:76. ბექამ 2 წუთი ითამაშა და მატჩი უქულოდ დაასრულა.
ყოველდღიური სპორტული გაზეთი "ლელო"
