გიორგი ცინცაძის "ბუდიველნიკმა" რეალური შანსი დაკარგა, უკრაინის რეგულარული ჩემპიონატი მის დასრულებამდე 1 ტურით ადრე მოეგო. კიეველებმა "ოდესას" უმასპინძლეს და 2 ქულით - 78:80 დამარცხდნენ. "ბუდიველნიკისთვის"ეს იყო ბოლოსწინა მატჩი რეგულარულ ჩემპიონატში. უკრაინის სუპერლიგაში 14 გუნდი ასპარეზობს, რომლებიც რეგულარულ ჩემპიონატში ორ წრეში 26-26 მატჩს მართავენ.
ცინცაძის გუნდი პირველობისთვის იბრძვის და ეს წაგებაც იმიტომ იყო დასანანი. 18 მოგებითა და 7 მარცხით "ბუდიველნიკი" პირველობას ინარჩუნებს. რეგულარულის ბოლო ტურში, 13 იანვარს, კიეველები "ხიმკის" უმასპინძლებენ და ყველაფერიც ამ მატჩის შემდეგ გაირკვევა.
ოდესელებთან წაგებულ მატჩში ცინცაძე სასტარტო
ცინცაძემ თამაშიდან ხუთივე სროლა - 3 ორქულიანი და 2 სამიანი ააცილა. გიორგიმ 4 ცდიდან 3 საჯარიმო ჩააგდო. 27 ქულით მატჩის ბომბარდირი გახდა ლეო ლაიანსი, ხოლო მალკოლმ დილეინმა შეხვედრა 19 ქულით დასრულა.
რეგულრული ჩემპიონატის მოგებას კიეველებს ზაპოროჟიული "ფერო" ეცილება, რომელსაც 17 მოგების წილ 7 მარცხი აქვს და 2 მატჩი აქვთ დარჩენილი, თანაც ორივე გასვლაზე - "აზოტთან" და "კრივბასთან".
რეგულარულის მოგება იმისთვის უნდათ გუნდებს, რომ პლეი ოფში ნებისმიერ მეტოქესთან მოედნის უპირატესობა დაიბევონ.
gbf.ge
