ევროთასზე მიღწეული წარმატების შემდეგ (მეოთხედფინალში გავიდა) უკრაინული "ბუდიველნიკის" კალათბურთელებმა შიდა ჩემპიონატის შეხვედრაც აღმაფრენით ჩაატარეს და "კრივბასბასკეტი" 81:71 დაამარცხეს.უკვე ტრადიციად იქცა, რომ "მშენებელთა" რიგებში ყველაზე მეტ პასს გიორგი ცინცაძე აგროვებს. ეს ტრადიცია არც ამჯერად დაირღვა - "ბუმ" 6 შედეგიანი გადაცემა მიითვალა. მან 21 წუთი ითამაშა და 6 პასის პარალელურად 4 ქულა, 2 მოხსნა და 1 ჩაჭრა გაიფორმა.
"ბუდიველნიკი" 24 მოგებით სატურნირო ცხრილის ერთპიროვნული ლიდერია.
ყოველდღიური სპორტული გაზეთი "ლელო"
