გამარჯვებით დაიწყო იტალიის ჩემპიონატის ნახევარფინალური სერია ვიქტორ სანიკიძის "სიენამ". სიენელების მეტოქე რეგულარული ჩემპიონატის გამარჯვებული "ვარეზეა", რომელიც სანიკიძის გუნდმა სტუმრად 80:72 დაამარცხა და ოპონენტს მოედნის უპირატესობა აართვა.
მატჩი მეტად დაძაბული გამოდგა და ბოლო მეოთხედამდე თანაბარ ბრძოლაში მიმდინარეობდა.
გადამწყვეტი ათწუთეულის წინ ანგარიში 52:52 იყო, თუმცა ბოლო პერიოდში სიენელებმა იყოჩაღეს, პერიოდი 28:20 მოიგეს და ნახევარფინალური სერია გამარჯვებით დაიწყეს.
სანიკიძე სასტარტო ხუთეულში არ ყოფილა. ქართველმა ფორვარდმა 17 წუთი ითამაშა და სიენელებს 4 ქულა და 6 მოხსნა შესძინა.
ვიქტორმა 2-დან 2 ორქულიანი ჩააგდო, 1 საჯარიმო
სერია 4 გამარჯვებამდეა, მორიგი მატჩი კი 28 მაისს ისევ ვარეზეში გაიმართება.
gbf.ge
