ფაჩულიას ანტლანტა საშინაო არენაზე შერცხვა

გასულ სეზონში ზაზა ფაჩულიას "ატლანტას" კევინ გარნეტის "ბოსტონ სელტიქსი" დაბრიყვებული ჰყავდა - რეგულარულ ჩემპიონატში სამივე მატჩი მოუგო. წლეულს პირიქით მოხდა - "ჰოქსი" "ბოსტონთან" საშინაო არენაზე პირველივე შეხვედრისას შერცხვა.

მატჩის მეცხრე წუთზე, როცა მოედანზე ფაჩულია შევიდა, სტუმარი "კელტები" უკვე 31:10-ს იგებდნენ. ატლანტელი გულშემატკივრის სამწუხაროდ, მეორე პერიოდიდან შეხვედრამ აზრი დაკარგა - "ბოსტონელებმა" მასპინძლებს შანსი არ დაუტოვეს.

როგორც ჩანს, ვერც "ჰოქსის" კალათბურთელებმა მოახერხეს საბრძოლო განწყობის შენარჩუნება, მათგან ყველაზე მეტი, 11 ქულა მაიკ ბიბიმ ჩააგდო, ხოლო ბოსტონელებმა მასპინძლებს მოხსნებში 50:30 აჯობეს. საბოლოო ანგარიშშიც სოლიდური სხვაობა დაფიქსირდა - 76:99.

ზაზა ფაჩულიამ 10 წუთში 3 მოხსნა მოაგროვა. შეხვედრის ბომბარდირი კევინ გარნეტი გახდა - 17 ქულა, 11 მოხსნა.

"ატლანტას" "მაიამისთან" ერთად 8 მოგების წილ 6 წაგება აქვს და ფლორიდელებთან სამხრეთ-აღმოსავლეთის დივიზიონში მეორე-მესამე ადგილებს იყოფს. "ჰოქსი" მომდევნო მატჩს ნიუ ჯერსიში "ნეთსთან" დღეს გამთენიისას გამართავდა.

ატლანტა-ბოსტონი 76:99
ზაზა ფაჩულია: 10:04 წუთი, 3 მოხსნა, 1 ფოლი, 2 შეცდომა

ქრონოლოგია
I პერიოდი
03:13 ზაზამ ჯონსონი შეცვალა
02:15 ორქულიანი: არაზუსტი
00:47 ორქულიანი: არაზუსტი
00:13 ზაზა კროუფორდმა შეცვალა
III პერიოდი
03:56 ზაზამ ჰორფორდი შეცვალა
01:28 მოხსნა: შეტ-0, დაც-1
01:10 მოხსნა: შეტ-1, დაც-1
01:06 ორქულიანი: არაზუსტი
00:26 მოხსნა: შეტ-1, დაც-2
00:05 შეცდომა: 1
IV პერიოდი
11:35 შეცდომა: 2
10:51 ფოლი: 1
10:03 ორქულიანი: არაზუსტი
08:52 კოლინზმა ზაზა შეცვალა