ვითიბი ლიგაზე მოასპარეზე ქართველებს წარუმატებელი დღე ჰქონდათ. გასულ ტურში ლევან ფაცაციას "ნიჟნი ნოვგოროდმაც" წააგო და მანუჩარ მარკოიშვილის ცსკა-მაც.
ორივე ქართველმა 5-5 ქულა ჩააგდო და მთლიანობაშიც დაახლოებით ერთნაირი სტატისტიკა აჩვენა.
საინტერესოა, რომ ცსკა-ს ვითიბი ლიგაზე აქამდე გამართულ 17 შეხვედრაში მხოლოდ 1 წაგება ჰქონდა განცდილი. არმიელებმა კრასნოდარში, "ლოკომოტივ-ყუბანთან" 73:81 წააგეს. მარკოიშვილის გუნდმა ამჯერად მოსკოვში უმასპინძლა ყუბანელებს და კვლავ მარცხი განიცადა - ამჯერად 2 ქულით, 76:78 წააგო.
მარკოიშვილი სათადარიგო იყო და მოედანზე 15:23 წუთით გამოჩნდა. ქართველმა უკანახაზელმა 4-დან 1 სამქულიანი და 2-დან 2
16 მოგებითა და 2 მარცხით ცსკა ლიგაში პირველ ადგილს ინარჩუნებს. 14 მოგებითა და 3 წაგებით მე-3 ადგილზეა ფაცაციას გუნდი. "ნიჟნი ნოვგოროდმა" მოულოდნელი მარცხი ტალინში "კალევთან" იწვნია. რუსული კლუბი უშანსოდ - 76:110 განადგურდა.
ფაცაცია სათადარიგო იყო და მოედანზე 22:16 წუთი გაატარა. ლევანმა 2-დან 1 სამქულიანი და 2-დან 2 საჯარიმო ჩააგდო. 5 ქულასთან ერთად, ფაცაციამ 3 მოხსნა და 1 პასი მიითვალა, ბურთი კი 1-ხელ დაკარგა. ნოვგოროდელთაგან 19 ქულით საუკეთესო ტრეი ტომპკინსი გახლდათ.
ვითიბი ლიგაზე მორიგი შეხვედრა ფაცაციას გუნდს სარატოვში, "ავტოდორთან", 8 თებერვალს ელის.
წყარო: gbf.ge
