მანუჩარ მარკოიშვილის ცსკა-ს ევროლიგის ნახევარფინალში გასვლისთვის ერთი მოგებაღა უკლია. მოსკოველებმა შინ ორივე მატჩი მოუგეს "პანათინაიკოსს", თუმცა, 20 აპრილს სტუმრად მინიმალური სხვაობით, 85:86 დამარცხდნენ.
ბერძნებმა, წინა შეხვედრებისგან განსხვავებით, მაღალი სიზუსტით ისროლეს. განსაკუთრებით აღსანიშნავი ნიკოს პაპასის თამაშია, რომელმაც 7-დან 5 სამქულიანი გამოიყენა და მატჩი 25 ქულით დაასრულა.
"პანათინაიკოსის" კალათბურთელები მთელი მატჩის განმავლობაში სნაიპერის სიზუსტით სტყორცნიდნენ პერიმეტრიდან და საბოლოოდ 16 რეალიზებული სამქულიანი (31-დან) მოუგროვდათ.
ამის მიუხედავად, ცსკა მაინც არაფერს თმობდა, ბოლო წამებზე სონი უიმსმაც გამოიდო თავი (სულ 24 ქულა), ხოლო საფინალო სირენამდე 4
მანუჩარ მარკოიშვილმა ამჯერად მხოლოდ 8 წუთი ითამაშა, მატჩი უქულოდ დაასრულა.
"პანათინაიკოსი"-ცსკა-ს მეოთხე დაპირისპირება 22 აპრილს, ისევ ათენში გაიმართება.
ყოველდღიური სპორტული გაზეთი "ლელო"
